«Burynǵydaı emes»: Muhtar Shahanovtyń qazirgi kúıine alańdaǵan jýrnalıst usynys aıtty

Jýrnalıst Asylhan Mamashuly búgin týǵan kúnin atap ótip jatqan aqyn Muhtar Shahanov jaıly jazba jarııalady, dep habarlady qandastar.kz aqparat portaly turkystan.kz-ke siltep.

«Feısbýkten Muhtar Shahanovtyń sýretin kórip otyrmyn (tómende tur). Burynǵydaı emes, qarııa baıaýlap qapty, búgin 83-ke tolypty. 2022 jyly bılik qandaı oımen berse de bul kisige “Qazaqstannyń Eńbek Eri” ataǵyn durys berdi.  Kózi tirisinde bıýst, álde eskertkish ornatyp, kóńilin aýlap qoısa bolǵandaı eken, qashanǵy júrer deısiń. Qarııa qısaıyp qalsa, eki týmas erim-aı deımiz.  Anaý ılınder men balandınderdiń de atynda saraı tur emes pe?», — dedi Asylhan Mamashuly.

Sondaı-aq jýrnalıst aqyndy azamattyq kórsetken kisi dep baǵalady.

«Ár adamnyń qaırat kórseter, kózge túser, elge zor paıdasy tıer sáti bolady eken. Sol sátte buǵyp qalsań – kóptiń birisiń. Muhtar Shahanov, ásirese 1987-90 jyldary aıryqsha qaırat kórsetken adam. Sol kezdegi qyzmeti doktorlyq  dıssertaııa taqyrybyna laıyq. “Muhtar kókem tamasha” dep qur jelpine bermeı, durysy men burysyn salystyryp, obektıvti zertteý shyǵarsa, kim ekeni jarqyraı túsedi. Álde ondaı zertteýdi baıqamaı qaldym ba?  “Men bolmasam kórer edińder” dep ursatyn sózin este ustap, onsha jaqtyryńqyramaı, sol qyzmetin asyqpaı, salystyryp qarap shyqtym. Sóıtsem halyqqa qyzmeti qadirlenbegen soń, kúıgennen aıtady eken ǵoı», — dep jazdy avtor.