بىلعارى قولعاپ شەبەرلەرى «تازا قازاقستان» اكتسياسىنا قاتىستى

«تازا قازاقستان» ەكولوگيالىق اكتسياسىنا قاتىستى. ولار 30 ءتۇپ جوكە اعاشىن وتىرعىزدى.

ۇيىمداستىرۋشىلاردىڭ ايتۋىنشا, تەمىربەك جۇرگەنوۆ, راقىمجان قوشقارباەۆ, كەنەن ازىرباەۆ كوشەلەرىنە جالپى سانى 6 مىڭ 300 ءتۇپ اعاش وتىرعىزۋ جوسپارانعان. قولدارىنا كۇرەك ۇستاپ, جەر قوپارىپ, تال ەككەندەر بۇل جولى پاريج وليمپياداسىنا جولداما العان بوكسشىلار بولدى.

ءدۇبىرلى دودا الدىندا ولار ءوز قالالارىن كوگالداندىرۋعا ات سالىستى. ايبەك ورالباي, پاريج وليمپياداسىنىڭ جولداما يەگەرى: – بۇكىل ادام ءوز قالاسىن تازا ۇستاسا قالا تازارا تۇسەدى دەپ ويلايمىن. ءبىز سياقتى سپورتشىلارعا, بيزنەسمەن ادامدارعا ءبارى قارايدى عوي. سوندىقتان ءبىز وسىنداي اكتسيالارعا قاتىسىپ تۇرامىز.  ەكولوگيالىق اكتسياعا بىلعارى قولعاپ شەبەرلەرىمەن بىرگە جاس سپورتشىلار دا جۇمىلدىرىلدى.

يسلامبەك بايمانوۆ, قالالىق دەنە شىنىقتىرۋ جانە سپورت باسقارماسى باسشىسىنىڭ ورىنباسارى: – ءبىزدىڭ قالا تۇرعىندارىن «تازا قازاقستان» اكتسياسىنا باۋلۋ جانە ولاردى شاقىرۋ اياسىندا ءوتىپ جاتىر. ءبىزدىڭ ءوسىپ كەلە جاتقان كەلەشەك چەمپيوندارمەن بىرگە تاجىربيە الماسۋ.  ۇيىمداستىرۋشىلار اكتسيا اياسىندا 6 مىڭ 300 تال-تەرەك وتىرعىزۋدى جوسپارلاعان. بۇگىن اعاش وتىرعىزىپ, ەلدىڭ العىسىنا بولەنگەن بوكسشىلار ەرتەڭ وليمپياداعا اتتانادى.