«Byltyrǵydan sabaq alǵan». Bıyl Tájikstan ónimderiniń jármeńkesinde «tonaýǵa» múmkindik bermedi

Foto: Astana qalasy ákimdigi

Bıyl da Astanada Tájikstan ónimderiniń jármeńkesi ótip jatyr. Jármeńkede jańa pisken jemis-jıdek, kókónis, tabıǵı bal, jańǵaq, keptirilgen jemis, túrli dámdeýishter jáne t.b. bar, dep habarlaıdy Qaz365.kz.

Jemis-jıdektiń túr-túri de elordalyqtarǵa arzan baǵamen satylyp jatyr. Tájik aspazdary palaý basyp, kópshilikke tátti-dámdilerinen dám tatqyzdy.

«Bul jármeńke bıyl osymen ekinshi ret ótip jatyr. Biz  Tájikstannan 1000 tonnadan astam aýyl sharýashylyǵy ónimderin astanalyqtarǵa usynyp otyrmyz. Sondaı-aq qolóner buıymdary satylymǵa shyǵarylǵan jáne konerttik baǵdarlama josparlanǵan. Osyndaı jármeńkeler aldaǵy ýaqytta da ótedi dep úmittenemiz», – dedi Soǵdy oblysy tóraǵasynyń  aýyl sharýashylyǵy jónindegi orynbasary Zarıf Mırdado.

Jármeńkeniń negizgi sahnasynda Tájikstan mádenıet qaıratkerleriniń qatysýymen konert uıymdastyrylady.

Uıymdastyrýshylar byltyrǵy qatelikten sabaq alǵan. О́ıtkeni ótken jyly Tájikstan taýarlary qoıylǵan jármeńkeni jurt talap ketken edi.

«Tájikstannyń jármeńkesine baryp-keldik. Bıyl qaýyn-qarbyzdy qorshap qoıypty, sosyn ózimizdiń polıııa ókilderi qosymsha qorshap tur eken. Sodan amalsyzdan satyp alýǵa týra keldi», «Bizdi, astanalyqtardy endi sonshalyqty jabaıy kórmeńizder, aınalaıyndar. Bizden asqan mádenıetti qala joq», «Esesine tájik basshysynyń nurly júzi beınelengen sýretter qorshalmapty». «Aıtpaqshy, qyzyl almasy dámdi eken, al ulttyq qýyrshaqtary bizdikinen arzan», «Tájik satýshylarynyń bárinde Kaspi Gold bar eken, ishteı «áı, ózimizdiń tájikter me eken»  degen kúdik te boldy. Biraq tólem jasap, satýshyǵa kórsetkenimde, kaspı-goldym qazaqsha bolǵasyn, ár satýshy telefonǵa tesile qarady. Iá, tájikterdi osylaı da tań qaldyrýǵa bolady eken», – dep jazdy jeli qoldanýshylarynyń biri.