Byrtyrǵy tasqyn synaq boldy: Prezıdent sý tasqyny týraly pikir bildirdi

Foto: Aqorda

Jalpy, ótken jyl ońaı bolǵan joq, tipti kúrdeli jyl boldy deýge keledi. Qazaqstanǵa syrtqy faktorlardyń salqyny tıdi, tabıǵat apaty da josparlarymyzǵa áser etti. Alaıda biz ahýaldy baqylaýda ustap qana qoımaı, jan-jaqty reformalarymyzdy jalǵastyra aldyq. Osylaısha, jasampazdyq strategııasy odan ári júzege asyrylyp jatyr. Bul týraly Prezıdent “Ana tili” gazetine bergen suhbatynda aıtty, dep jazady qandastar.kz.

 – Byltyrǵy tasqyn elimiz úshin zor synaq boldy. Mundaı alapat tas­qyn Qazaqstanda buryn bolmaǵan. Memleket orasan zor qaýiptiń betin qaıtarý úshin shuǵyl sharalar qabyldady. Adamdar der kezinde qaýipsiz jerge kóshirildi, olardyń ýaqytsha panalaıtyn oryndary ázirlendi, materıaldyq rezervti paıdalanýǵa ruqsat berildi. Apattan qutqarý jumystaryna Tótenshe jaǵdaılar mınıstrliginiń ǵana emes, Ishki ister jáne Qorǵanys mınıstrlikteriniń, Ulttyq ulannyń jáne basqa da qurylymdardyń qyzmetkerleri, jalpy sany 63 myńǵa jýyq adam jumyldyryldy. Sonyń arqasynda kóptegen azamatty qutqaryp, aman saqtap qaldyq. Eń bastysy – osy.

Bir el, bir halyq bolyp, judyryqtaı jumyla bilsek qana mundaı apattardy eńsere alatynymyzǵa bárimiz kóz jetkizdik. Sý tasqyny kezinde volonterler qozǵalysynyń áleýeti zor ekenin kórdik. Elimizdiń túkpir-túkpirinen kelgen eriktiler qutqarýshylarǵa járdemdesti, gýmanıtarlyq kómek uıymdastyryp, zardap shekkenderge qoldaý kórsetti, — dedi Prezıdent.

Qarǵyn sýdyń qarqyny shynymen de qatty boldy: úıler, joldar, kópirler, áleýmettik jáne kommerııalyq nysandar búlindi, biraz mal qyryldy. Bógetter men gıdrotehnıkalyq qondyrǵylar salýǵa ondaǵan jyl boıy jete kóńil bólingende, apattyń saldary sonshalyqty aýyr bolmas edi.