جاڭالىقتار
بيۋدجەت قاراجاتى ءۇش جىل بويى كومپانيا شوتىندا بوس جاتقان
فوتو: اشىق دەرەككوز
بيۋدجەت قاراجاتى ءۇش جىل بويى كومپانيا شوتىندا بوس جاتقان, دەپ جازدى qandastar.kz
پاۆلودار وبلىسىندا كۆازيمەملەكەتتىك كومپانيانىڭ شوتىندا ءۇش جىلدان استام ۋاقىت بويى 2,1 ملرد تەڭگەدەن اسا قاراجات پايدالانىلماي جاتقان. مۇنى اۋديت پالاتاسى انىقتاپ, قاراجاتتى يگەرۋ تۋرالى تاپسىرما بەرگەن. ناتيجەسىندە بۇرىن جاسالعان شارت شەڭبەرىندە «قازاقتەلەكوم» پايداسىنا 2 ملرد تەڭگەدەن استام قاراجات اۋدارىلعان.
«قوسىمشا 114 ملن تەڭگەدەن اسا قالدىقتى پايدالانۋعا بەرۋ تۋرالى شەشىم قابىلدانۋدا. بۇل ماسەلە جانە مەملەكەتتىك اۋديت قورىتىندىلارى بويىنشا باسقا دا تاپسىرمالاردىڭ ورىندالۋى جوعارى اۋديتورلىق پالاتانىڭ باقىلاۋىندا بولادى», — دەلىنگەن پالاتا تاراتقان مالىمەتتە.
