Bıýdjetke 130 mlrd paıda: Qurylys salasyn «kóleńkeden» shyǵarý kerek

Foto: ashyq derekkóz

Belgili polıtolog Marat Shıbýtov qurylys salasyndaǵy kásipkerlerdiń qosymsha qun salyǵynan jaltaryp otqanyn jazdy, dep habarlaıdy qandastar.kz

«VI holdıngine qarasty Development, Kostrakshn jylyna 1 mlrd teńgesin salyqqa shyǵyndamaıdy. Al olardyń tabysy júzdegen mıllıardty quraıtynyn el biledi. Qala qurylysy keńesiniń bir otyrysynda VI-dyń  6 ókili ártúrli jobamen 6 ret kirgeni esimde. Tarqatyp aıtqanda, sol adamdar ózge fırma, ózge turǵyn úı keshenderine qatysty usynystardy ortaǵa saldy. Ári qaraı taldasaq, odan da kishi fırmalar iske qosylady. Osylaısha, bir qurylysta jeńildetilgen rejımi bar kóptegen fırmalar jumys isteıdi. Kiris te «kóleńkede».

Bul rette olar mundaı aınalymdar kezinde QQS tólemeıdi. Bir ýaqytta qurylys salýshylardy QQS-tan bosatý turǵyn úıdi qoljetimdi etýi kerek edi, biraq is júzinde baǵa 21 ese ósti. Sonymen qatar qurylys ındýstrııasy eń kóleńkeli salalardyń biri bolyp qala berdi», – dep jazǵan arna avtory.

Telegram arnada Qazaqstanda jańa salyq mádenıeti qalyptasyp jatqany, biraq ony árkim árqalaı túsinetini jazylǵan. Avtor «salyq – aýyrtpalyq emes, qoǵamnyń damýyna úles» ekenin alǵa tartqan.

«Qurylystaǵy QQS jeńildigin alyp tastaý sektordy kóleńkeden shyǵarýǵa jáne bıýdjetti keminde qosymsha 130 mlrd teńgemen qamtýǵa múmkindik beredi. Al bul – 40 jańa zamanaýı mektep salýmen parapar», – delingen jazbada.