قارجى جانە تولەمدەر

بجزق ماڭىزدى مالىمدەمە جاسادى

فوتو: اشىق دەرەككوز

بجزق زەينەتاقى جيناقتارىنا قاتىستى حابارلاندىرۋ تاراتقىشتار كوبەيگەنىن مالىمدەدى, دەپ حابارلايدى qandastar.kz

جيناقتاۋشى قور دەرەگىنشە, سوڭعى كەزدەرى الەۋمەتتىك جەلىلەردە جانە ونلاين-حابارلاندىرۋ پلاتفورمالارىندا ازاماتتاردىڭ كەز كەلگەن ساناتى ءۇشىن ەڭ تومەنگى جەتكىلىكتىلىك شەگىنەن (تجش) اساتىن زەينەتاقى جيناقتارىن الۋ بويىنشا دەلدالدىق قىزمەتتەردى تومەن پايىزبەن كورسەتۋ تۋرالى ۇسىنىستار تاراتىلىپ جاتىر.

«بجزق» اق ءوز سالىمشىلارى مەن الۋشىلارىنا ۇندەۋ جاسادى: زەينەتاقى جيناقتارىن الۋ قازاقستان رەسپۋبليكاسىنىڭ الەۋمەتتىك كودەكسىندە قاتاڭ بەلگىلەنگەن جاعدايلاردا عانا مۇمكىن. ەڭ الدىمەن, بۇل زەينەت جاسىنا تولۋ, 1 نەمەسە 2 توپتاعى مەرزىمسىز مۇگەدەكتىك, شەت ەلگە تۇراقتى تۇرۋعا كەتۋ, مۇراگەرلىك. زەينەتاقى جيناقتارىن تۇرعىن ءۇي جاعدايلارىن جاقسارتۋعا جانە/نەمەسە ەمدەلۋگە زاڭنامامەن بەلگىلەنگەن شارتتار ساقتالعان جاعدايدا, تومەندەگى ازاماتتاردىڭ ساناتى پايدالانا الادى:

  • ەڭ تومەنگى جەتكىلىكتىلىك شەگىنەن اساتىن جيناقتارى بار سالىمشىلار (تجش-دان اساتىن سوما شەگىندە);
  • زەينەتاقىسى جوعالعان تابىستىڭ (بۇرىن الىنعان جالاقىسىنىڭ) كەمىندە 40 پايىز بولاتىن زەينەتكەرلەر — ولار شوتتا قالعان جيناقتارىنىڭ 50%-ىنا دەيىن پايدالانا الادى;
  • ەڭبەك سىڭىرگەن جىلدارى بويىنشا زەينەتكەرلەر (جيناقتارىنىڭ 100%-ىنا دەيىن پايدالانا الادى);
  • زەينەتاقى اننۋيتەتى شارتىن جاساسقان سالىمشىلار (جيناقتارىنىڭ 100%-ىنا دەيىن پايدالانا الادى).

زەينەتاقى جيناقتارىن تۇرعىن ۇيگە نەمەسە ەمدەلۋگە ماقساتتى پايدالانۋ تەك ۋاكىلەتتى وپەراتورلار — ەكىنشى دەڭگەيدەگى بانكتەر ارقىلى مۇمكىن بولادى. تيىسىنشە, دەلدالدىق قىزمەتتەر قاجەت ەمەس. بۇل رەتتە بجزق ەشقانداي اقى المايدى.

كۇماندى ارەكەتكە قاتىسۋعا كەلىسە وتىرىپ, ءسىز اقشاڭىزدى جوعالتۋ قاۋپىن تۋدىرىپ قانا قويماي, بولاشاقتا باسقا الاياقتىق ارەكەتتەر ءۇشىن پايدالانىلۋى مۇمكىن جەكە دەرەكتەرىڭىزدىڭ ساقتالۋىنا دا قاۋىپ توندىرەسىز.

بجزق ءوز سالىمشىلارى مەن الۋشىلارىنا مۇنداي ۇسىنىستاردى ەلەمەۋگە, تەك رەسمي كوزدەردەن اقپارات الۋعا جانە قۇقىقتىق تۇرعىدان قورعالعان سالادا عانا ارەكەت ەتۋگە قاتاڭ كەڭەس بەرەدى.

بارلىق ساۋالدارىڭىزعا جاۋاپ الىپ, اقپاراتتىڭ دۇرىستىعىن بجزق بولىمشەلەرىندە دە, قاشىقتىقتان دا:

  • enpf.kz سايتى, بجزق/ەنپف ۇيالى قوسىمشاسى ارقىلى,
  • بايلانىس ورتالىعىنىڭ 1418 نومىرىنە قوڭىراۋ شالۋ جولىمەن كوپ ارنالى تەگىن بايلانىس نەمەسە +7 777 000 1418 ءنومىرى بويىنشا WhatsApp ارقىلى,
  • بجزق-نىڭ ودنوكلاسسنيكي, Telegram, Facebook, ۆكونتاكتە, ح جانە Instagram سياقتى تانىمال پلاتفورمالارداعى الەۋمەتتىك جەلىلەردەگى رەسمي پاراقشالارى ارقىلى دا تەكسەرە الاسىز.
ىلمەكتەر

وسى ايداردا

دوباۆيت كوممەنتاري

Close