BJZQ mańyzdy málimdeme jasady

Foto: ashyq derekkóz

BJZQ zeınetaqy jınaqtaryna qatysty habarlandyrý taratqyshtar kóbeıgenin málimdedi, dep habarlaıdy qandastar.kz

Jınaqtaýshy qor dereginshe, sońǵy kezderi áleýmettik jelilerde jáne onlaın-habarlandyrý platformalarynda azamattardyń kez kelgen sanaty úshin eń tómengi jetkiliktilik sheginen (TJSh) asatyn zeınetaqy jınaqtaryn alý boıynsha deldaldyq qyzmetterdi tómen paıyzben kórsetý týraly usynystar taratylyp jatyr.

«BJZQ» AQ óz salymshylary men alýshylaryna úndeý jasady: zeınetaqy jınaqtaryn alý Qazaqstan Respýblıkasynyń Áleýmettik kodeksinde qatań belgilengen jaǵdaılarda ǵana múmkin. Eń aldymen, bul zeınet jasyna tolý, 1 nemese 2 toptaǵy merzimsiz múgedektik, shet elge turaqty turýǵa ketý, muragerlik. Zeınetaqy jınaqtaryn turǵyn úı jaǵdaılaryn jaqsartýǵa jáne/nemese emdelýge zańnamamen belgilengen sharttar saqtalǵan jaǵdaıda, tómendegi azamattardyń sanaty paıdalana alady:

• eń tómengi jetkiliktilik sheginen asatyn jınaqtary bar salymshylar (TJSh-dan asatyn soma sheginde);
• zeınetaqysy joǵalǵan tabystyń (buryn alynǵan jalaqysynyń) keminde 40 paıyz bolatyn zeınetkerler — olar shotta qalǵan jınaqtarynyń 50%-yna deıin paıdalana alady;
• eńbek sińirgen jyldary boıynsha zeınetkerler (jınaqtarynyń 100%-yna deıin paıdalana alady);
• zeınetaqy annýıteti shartyn jasasqan salymshylar (jınaqtarynyń 100%-yna deıin paıdalana alady).

Zeınetaqy jınaqtaryn turǵyn úıge nemese emdelýge maqsatty paıdalaný tek ýákiletti operatorlar — ekinshi deńgeıdegi bankter arqyly múmkin bolady. Tıisinshe, deldaldyq qyzmetter qajet emes. Bul rette BJZQ eshqandaı aqy almaıdy.

Kúmándi áreketke qatysýǵa kelise otyryp, siz aqshańyzdy joǵaltý qaýpin týdyryp qana qoımaı, bolashaqta basqa alaıaqtyq áreketter úshin paıdalanylýy múmkin jeke derekterińizdiń saqtalýyna da qaýip tóndiresiz.

BJZQ óz salymshylary men alýshylaryna mundaı usynystardy elemeýge, tek resmı kózderden aqparat alýǵa jáne quqyqtyq turǵydan qorǵalǵan salada ǵana áreket etýge qatań keńes beredi.

Barlyq saýaldaryńyzǵa jaýap alyp, aqparattyń durystyǵyn BJZQ bólimshelerinde de, qashyqtyqtan da:

• enpf.kz saıty, BJZQ/ENPF uıaly qosymshasy arqyly,
• baılanys ortalyǵynyń 1418 nómirine qońyraý shalý jolymen kóp arnaly tegin baılanys nemese +7 777 000 1418 nómiri boıynsha WhatsApp arqyly,
• BJZQ-nyń Odnoklassnıkı, Telegram, Facebook, Vkontakte, H jáne Instagram sııaqty tanymal platformalardaǵy áleýmettik jelilerdegi resmı paraqshalary arqyly da teksere alasyz.