«ChatGPT emtıhandy adamdarǵa qaraǵanda jaqsy tapsyrady»: Zertteýshiler bilim salasyna qaýip tónip turǵanyn aıtyp dabyl qaqty

Foto: .greenme.it

Brıtandyq ǵalymdar jasandy ıntellektiń ýnıversıtet emtıhandaryn stýdentterden jaqsy tapsyratynyn aıtty. Aıtýlarynsha emtıhan alýshylar jasandy mıdy shynaıydan ajyrata almaıdy. Bul týraly Stan.kz aqparat agenttigi BBC arnasyna silteme jasap habarlaıdy.

Redıng ýnıversıtetiniń zertteýshileri óz zertteýleri úshin ChatGPT botyn paıdalanǵan. Onyń kómegimen 33 jalǵan «stýdentti» qurastyryp, bakalavr dárejesin alý úshin psıhologııadan emtıhan tapsyrýǵa jibergen.

Zertteýshilerdiń pikirinshe, jalǵan «stýdentter» naǵyz bilim alýshylardan ortasha eseppen joǵary upaı jınaǵan.

Al jasandy ıntellektpen jazylǵan esselerdi shynaıy adamdar jazǵan shyǵarmalardan aıyrý múmkin bolmaǵan. Tipti olardyń 94 paıyzy tekserýshilerdiń kúdigin týdyrmaǵan.

Zertteýge jetekshilik etken doent Pıter Skarf pen professor Eten Rosh osy zertteý arqyly búkil álemge úndeý tastaǵysy kelgenin jetkizdi.

Skarftyń aıtýynsha, joǵary oqý oryndarynyń stýdentteri dıplomdyq jumystaryn óz qolymen jazý tájirıbesinen alshaqtap ketti. Al mektep muǵalimderi jasandy ıntellektpen qalaı kúresý keregin oılaýy kerek deıdi.

«Qoljazba emtıhandaryna qaıta oralýdyń qajeti joq. Biraq jasandy ıntelektiń damýymen jahandyq bilim berý sektory ózgerýi múmkin», – deıdi Skarf.

Ǵalymdar jasandy zııattyń bilim berý proesine áser etip jatqanyna alańdaýly. Osyǵan oraı Glazgo ýnıversıteti jaqynda betpe-bet emtıhandardy qaıta engizdi.