جاڭالىقتار
ChatGPT قازاقستاندا قوسىلعان قۇن سالىعىن تولەيدى
فوتو: businessenergyuk.com
2025 جىلدىڭ مامىر ايىنان باستاپ امەريكالىق OpenAI كومپانياسى ازىرلەگەن ChatGPT ينتەللەكتۋالدى چات-بوتى قازاقستاندا ەندى قوسىلعان قۇن سالىعىن (ققس) تولەيدى, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
قارجى مينيسترلىگىنىڭ مەملەكەتتىك كىرىستەر كوميتەتى مۇنى حابارلادى.
“OpenAI-ءدى شارتتى سالىق تولەۋشى رەتىندە تىركەۋ – تسيفرلىق ەكونوميكادا اشىقتىق پەن تەڭ سالىق سالۋ شارتتارىن قامتاماسىز ەتۋ بويىنشا جۇيەلى جۇمىستىڭ بولىگى. 2022 جىلدان باستاپ قازاقستاندا تسيفرلىق قىزمەتتەرگە سالىق – قازاقستاندىق پايدالانۋشىلارعا قىزمەت كورسەتەتىن ترانسۇلتتىق IT كومپانيالاردى قامتيتىن «Google سالىعى» دەپ اتالاتىن سالىق كۇشىنە ەندى”, – دەلىنگەن حابارلامادا.
ەندى OpenAI باسقا جاھاندىق تسيفرلىق پلاتفورمالار سياقتى قازاقستان اۋماعىندا جەكە تۇلعالارعا قىزمەت كورسەتكەنى ءۇشىن ققس تولەۋگە مىندەتتى.
ChatGPT — ماتىندىك سۇراۋلاردى تالداي الاتىن, لوگيكالىق جاۋاپتاردى قۇرا الاتىن جانە وقۋعا, باعدارلامالاۋعا جانە شىعارماشىلىققا كومەكتەسە الاتىن GPT ءتىل ۇلگىسىنە نەگىزدەلگەن قۋاتتى AI قۇرالى. ول ءبىلىم بەرۋدەن بيزنەسكە دەيىن ءارتۇرلى سالالاردا ۆيرتۋالدى كومەكشى رەتىندە بەلسەندى تۇردە قولدانىلادى.
مەملەكەتتىك كىرىستەر كوميتەتى قازاقستاننىڭ سالىق جۇيەسىنە حالىقارالىق تسيفرلىق قىزمەتتەردى تارتۋ جۇمىستارى جالعاساتىنىن اتاپ ءوتتى. بۇل قارقىندى دامىپ كەلە جاتقان تسيفرلىق ەكونوميكا جاعدايىندا نەعۇرلىم ءادىل جانە اشىق سالىقتىق ورتانى قۇرۋعا مۇمكىندىك بەرەدى.
ەسكە سالساق, قازاقستاندا مەملەكەتتىك قىزمەتكەرلەرگە ChatGPT-ءدى پايدالانۋىنا تىيىم سالىناتىنىتۋرالى حابارلاعان ەدىك.
