چەمپيوندار ورال قالاسىنا كومەك قولىن سوزدى 25 ءساۋىر, ساعات 10.00. – «دالا كىراندارى» جاستار قوعامدىق بىرلەستىگى باتىس قازاقستان وبلىسىندا سۋ تاسقىنىمەن جانە ونىڭ سالدارىمەن كۇرەسۋ ءۇشىن ۇگىت-ناسيحات ناۋقانىنىڭ باستالعانى تۋرالى حابارلايدى

قازىرگى ۋاقىتتا جاستار قوزعالىسىنىڭ وكىلدەرى بقو-نىڭ اۋماعىندا ورنالاسقان ەلدىمەكەندەردى تابيعي قۇبىلىستاردىڭ تەرىس اسەرىنەن قورعاۋعا باعىتتالعان سۋ تاسقىنىنا قارسى ءىس-شارالارعا بەلسەندى قاتىسۋدا.

ەربول حاميتوۆ, اسحات دىلمۇحامەدوۆ, الماتى كەبىسباەۆ, ۆاسيلي تاحتاي, فيرۋزا ءشارىپوۆا, بەيبىت ىستىباەۆ, سەرگەي تسىرۋلنيكوۆ جانە ت.ب. سپورت جۇلدىزدارىنان قۇرالعان العاشقى ەشەلون ورال قالاسىندا بولدى جانە زاچاگانسك, جەلاەۆو, №1 جانە №2 ساياجايلاردىڭ ماڭىنداعى ءۇيىندى بوگەتتەردى نىعايتۋعا كومەكتەستى. بۇل جۇمىستارعا جالپى 300-دەن استام ادام تارتىلدى. ولاردىڭ بارلىعى مما, گرەك-ريم جانە ەركىن كۇرەس, گرەپپلينگ, فۋتبول, فۋتزال جانە ت.ب. سپورت تۇرلەرىنىڭ ەرىكتىلەرى.

ال 25 ءساۋىر كۇنى ساعات 10.00-دە «دالا قىراندارى» جقب استانا قالاسىنىڭ دەنە شىنىقتىرۋ جانە بۇقارالىق سپورت اكادەمياسىنىڭ (APEMS) ستۋدەنتتەرىمەن ۇگىت-ناسيحات كەزدەسۋىن وتكىزەدى. شارا بارىسىندا بىرلەستىك وكىلدەرى باتىس قازاقستان وبلىسىندا سۋ تاسقىنىمەن جانە ولاردىڭ سالدارىمەن كۇرەسۋ ناۋقانىنىڭ باستالعانى تۋرالى حابارلايدى. بۇل اكتسيا اۋقىمدى ءىس-شارالار باعدارلاماسىن قاراستىرادى جانە بارلىق نيەت بىلدىرۋشىلەردى وسى ماڭىزدى باستاماعا قوسىلۋعا شاقىرادى. كەزدەسۋ قاتىسۋشىلارى سۋ تاسقىنىنا قارسى كۇرەستىڭ مىندەتتەرى مەن ماقساتتارى, سونداي-اق الداعى ءىس-شارالار مەن كومەك باعدارلامالارى تۋرالى حاباردار بولادى.

ەستەرىڭىزگە سالا كەتەيىك, «دالا قىراندارى» جقب ءبىر ايدان بەرى  سۋ تاسقىنىنان زارداپ شەككەن ازاماتتارعا قولدان كەلگەن بار كومەگىن كورسەتىپ جاتىر.

بۇعان دەيىن «دالا قىراندارى» جقب ناۋرىز ايىندا قوياندى اۋىلىنىڭ تۇرعىندارىنا كومەككە كەلگەن بولاتىن. قىراندار اۋلالاردى ەرىپ ۇلگەرمەگەن قاردان تازارتۋ ارقىلى جەرگىلىكتى تۇرعىنداردىڭ باسپانالارىنا قىزىل سۋدىڭ كىرۋىنە جول بەرمەدى. ال 3 ءساۋىر كۇنى ءبىز استاناداعى گۋمانيتارلىق كومەك جيناۋ نۇكتەسىنە كومەكتەستىك. بۇل جولى قاجەتتى زاتتاردى ساتىپ الۋعا كومەكتەسۋدەن بولەك, ءبىز قايىرىمدى ازاماتتار جىبەرگەن دۇنيەلەردى سول جەردە سۇرىپتاپ, ەلىمىزدىڭ سۋ باسقان اۋداندارىنا ودان ءارى تاسىمالداۋ ءۇشىن كولىكتەرگە تيەدىك. 9 ساۋىردە تايتوبە كەنتى تۇرعىندارىنا كومەك قولىن سوزدىق. ال 10-ىنان 11-ءىنشى ساۋىرگە قاراعان ءتۇنى قوزعالىس قاتىسۋشىلارى جىبەك جولى اۋىلى تۇرعىندارىنىڭ وتىنىشتەرى بويىنشا جەرگىلىكتى بوگەتتى نىعايتۋ جۇمىستارىنا اتسالىستىق.

بايلانىس:

اككرەديتتەۋدەن ءوتۋ جانە كەز كەلگەن قوسىمشا اقپارات الۋ ءۇشىن كەلەسى نومىرگە حابارلاسىڭىز +7 701 111 06 32, +7 705 306 63 66, qyrandary@gmail.com (انەل).

«دالا قىراندارى» تۋرالى:

«دالا قىراندارى» – قازاقستاننىڭ قوعامىن تۇبەگەيلى وزگەرتۋگە دايىن بەلسەندى ءارى ماقساتتى جاستاردىڭ باسىن ءبىر جەرگە توعىستىراتىن جاستار قوعامدىق بىرلەستىگى.