«Cherchesovke qazaq tilin bilýdiń qajeti joq»: QFF prezıdenti málimdeme jasady

Foto: bassport.kz

Qazaqstan fýtbol federaııasynyń prezıdenti Ádilet Barmenqulov ulttyq quramanyń bas bapkeri Stanıslav Cherchesovke qatysty málimdeme jasady, dep habarlaıdy Skifnews.kz aqparat portaly.

Onyń aıtýynsha, fýtboldan Ulttyq quramanyń bas bapkerine mentalıtetimizdi túsinse boldy.

«Stanıslav Cherchesovke qazaq tilin bilýdiń qajeti joq. Eń bastysy – bizdiń mentalıtetimizdi, dástúrimiz ben mádenıetimizdi túsingeni mańyzdy. Ol bizdiń tilimizde qysqasha sóılep, amandasa bilýi jetkilikti. Cherchesovtan tek bizdiń tilimiz ben dástúrimizdi qurmetteý talap etiledi, al ol óz kezeginde el fýtboly úshin óziniń barlyq túıgenin beredi. Cherchesovtyń qazaq tilin úırenýi boıynsha artyq másele joq jáne bizdiń jýrnalıster bul nárseni durys qabyldady. Meniń oıymsha bul máseleni durys ne burys dep qarastyrǵanymyz jón emes. Stanıslav Salamulynyń ózine tán bolmysy bar jáne muny bári jaqsy túısinedi. Biz, qazaqtar, barlyǵyna qurmet kórsetemiz», – dedi Ádilet Barmenqulov Sport24.ru saıtyna bergen suhbatynda.