جاڭالىقتار
چەرچەسوۆتىڭ ورنىن كىم باسادى?
كوللاج: sn.kz
44 جاستاعى وتاندىق مامان ءالي اليەۆ قازاقستان قۇراماسىنىڭ باس باپكەرى بولىپ سايلانۋى مۇمكىن, دەپ حابارلايدى qandastar.kz اقپارات پورتالى KazFootball.kz-كە سىلتەمە جاساپ.
ءالي اليەۆ تاياۋدا «قىزىلجاردىڭ» باپكەرى قىزمەتىنەن كەتتى. بۇعان دەيىن ول «جەڭىس», «شاحتەر» جانە «استانا» جاستار قۇراماسىندا جۇمىس ىستەگەن. ونىڭ جەتەكشىلىگىمەن پەتروپاۆل كومانداسى پرەمەر-ليگانىڭ 2023 جىلعى ماۋسىمىندا بەسىنشى ورىنعا يە بولدى جانە ءبىرىنشى ىرىكتەۋ كەزەڭىندە حورۆاتيالىق «وسيەكتى» ۇتىپ, كونفەرەنتسيا ليگاسىنىڭ ىرىكتەۋ كەزەڭىنە قاتىستى.
ەسكە سالايىق, قازاقستان قۇراماسى 2026 جىلعى الەم چەمپيوناتىنىڭ ىرىكتەۋ كەزەڭىنە قاتىسادى. ءبىزدىڭ كوماندا بەلگيا, ۋەلس, سولتۇستىك ماكەدونيا جانە ليحتەنشتەينمەن ءبىر توپقا ءتۇستى.
