چەرچەسوۆتىڭ 48,5 ملن تەڭگە جالاقى الاتىنى راس پا? فەدەراتسيا مالىمدەمە جاسادى

فوتو: sports.kz

باق بەتتەرىندە رەسەيدەن كەلگەن ستانيسلاۆ چەرچەسوۆ فۋتبولدان قازاقستان قۇراماسىنىڭ باس باپكەرى رەتىندە ايىنا 48,5 ملن تەڭگە جالاقى الاتىنى تۋرالى اقپارات تارادى, دەپ حابارلايدى       qandastar.kz اقپارات پورتالى Stan.kz-كە سىلتەمە جاساپ.

جەلىدە تاراعان اقپاراتتارعا سايكەس, ستانيسلاۆ چەرچەسوۆ قازاقستان قۇراماسىنىڭ باس باپكەرى رەتىندە جىلىنا 582 ملن تەڭگە, ايىندا 48,5 ملن تەڭگە جالاقى الادى. بۇل قاراجاتتى ءار كۇنگە شاققاندا 1.59 ملن, ساعاتىنا 66 438 تەڭگە شىعادى.

قازاقستان فۋتبول فەدەراتسياسىنىڭ مالىمەتىنشە, جەلىدە تاراعان اقپارات شىندىققا جاناسپايدى.

“حابارلامادا باس باپكەر ستانيسلاۆ چەرچەسوۆتىڭ جالاقىسى ايتارلىقتاي كوپ ەتىپ كورسەتكەن جانە ول شىندىققا جاناسپايدى. كەلىسىمشارت تالاپتارىنىڭ قۇپيا بولعاندىقتان باس باپكەردىڭ ايلىعى جاريا ەتىلمەيدى. بۇل كەلىسىمشارت بيۋدجەت قاراجاتىنان قارجىلاندىرىلمايدى. ايتا كەتەيىك, فەدەراتسياداعى بارلىق جۇمىس ۋەفا مەن فيفا, سونداي-اق دەمەۋشىلەر ەسەبىنەن جۇزەگە اسىرىلىپ جاتىر”, – دەپ مالىمدەدى قازاقستان فۋتبول فەدەراتسياسىنىڭ ءباسپاسوز قىزمەتىنىڭ باسشىسى گۇلميرا شۋتانوۆا.