Comic Con Astana-2025: Festıvalda anımeni qazaq tiline dýblıajdaý máselesi talqylandy

Foto: SSA

Comic Con Astana-2025 festıvalinde anımeni qazaq tiline dýblıajdaý máselesi talqylandy, dep habarlaıdy qandastar.kz

Gık-mádenıet festıvali aıasynda «Anıme dýblıajy: qazaqsha dabbıng» atty sheberlik sabaǵy ótti. Is-sharany Anidybys dýblıaj stýdııasy bloger DickThor-pen birlesip uıymdastyrdy.

Is-shara qazaq tilinde ótti jáne dýblıajǵa, anıme lokalızaııasyna qyzyǵatyn jastardy, shyǵarmashylyq mamandyqtar boıynsha bilim alyp jatqan stýdentterdi, sondaı-aq bolashaq dýblıaj akterlerin jınady.

Uıymdastyrýshylardyń aıtýynsha, sheberlik saǵatyna joǵary qyzyǵýshylyq qazaqtildi dýblıajǵa degen suranystyń artqanyn jáne bul baǵyttyń jastar arasynda ózekti ekenin kórsetti. Qatysýshylar kásibı keńester tyńdap qana qoımaı, dýblıaj akteri rólin ózderi synap kórý múmkindigine ıe boldy.

Sheberlik sabaǵy aıasynda sóz sóılegen Anidybys stýdııasynyń negizin qalaýshy, kınonyń dybys rejısseri, dýblıaj rejısseri jáne akteri Dıas Balabı dýblıaj jasaý úderisi, kadr syrtyndaǵy jáne sınhrondy dybystaý aıyrmashylyqtary, sondaı-aq anımeni qazaq tiline beıimdeý erekshelikteri týraly jan-jaqty aıtyp berdi. Sonymen qatar, qatysýshylarǵa tájirıbelik sabaq ótkizdi.

«Biz anımeni jaı ǵana dýblıajdamaımyz, biz qazaq tildi medıamazmundy jasaımyz. Qazaq tili zamanaýı, jastarǵa jaqyn kontekste estilýi tıis. Anıme – osy baǵyttaǵy tamasha múmkindik. Munda yntaly, talantty jastardyń kóp bolǵanyna qýanyshtymyn», – dedi Dıas Balabı.

Comic Con Astana–2025 13 shildege deıin Qazaqstan astanasynda jalǵasady.

Baǵdarlamadaǵy dástúrli elementterdiń biri –  jalpy júlde qory 15 mıllıon teńgeni quraıtyn halyqaralyq kospleı baıqaýy. Qazylar alqasynyń quramynda: Iaıa Han (AQSh), Cinderys (Franııa), RanHime (Qyrǵyzstan), FrauHaku (Reseı), Ainaven Elf! (Qazaqstan), Danik (Qazaqstan), MiddayofSiberia (Reseı) jáne basqalar bar.

Festıvaldiń basty hedlaınerleri – gollıvýdtyq akterler Endı Serkıs, Esaı Morales jáne Skott Edkıns. Arnaıy shaqyrylǵan qonaqtardyń qatarynda  Marmok, Qewbite, Anton Mıls, Johan, EugeneSagaz, Nastıa Djekson jáne Metal Family bar.

Comic Con Astana-2025 Astana ákimdigi men «AstanaTourism» Týrızmdi damytý ortalyǵynyń qoldaýymen uıymdastyrylýda.