Comic Con Astana-2025: Juldyzdy hedlaınerler festıvaldan alǵan áserin bólisti

 Foto: SSA

Ortalyq Azııadaǵy eń iri pop-mádenıet festıvali Comic Con Astana-2025-tiń úshinshi kúni mıllıondaǵan oqyrmany bar blogerlermen, tanymal kospleı sheberlerimen kezdesýlermen jáne Gollıvýd juldyzdarynyń Astanada kıno túsirý týraly usynystarymen este qaldy, dep jazdy qandastar.kz

Festıvaldiń basty qonaqtary – Gollıvýd juldyzdary Esaı Morales pen Skott Edkıns baspasóz konferenııasyn ótkizip, jankúıerlerge qoltańba berdi. Al tanymal bloger Qewbite fanattardyń suraqtaryna jaýap berdi. Tájirıbeli jáne erekshe álemge endi ǵana qadam basqan kospleıshiler halyqaralyq baıqaýdyń irikteý kezeńine qatysty.

«Barys Arena» muz saraıynyń bas sahnasynda YouTube juldyzy Vladıslav Kaщenko, ıaǵnı Qewbite  kórermenderdi tamsandyrdy.

Qysqa ýaqytta ol Astana men Comic Con Astana-2025 festıvali týraly óz áserimen bólisti.

«Astana – bul keńistik, bul taza aýa men samal jel. Munda aınalanyń bári jasyl. Meniń týǵan qalam Taganrogta da aǵash kóp, biraq Astanada bári erekshe kórinedi. Aspany keń, ashyq ári ádemi. Adamdary óte sypaıy ári qorshaǵan ortaǵa qurmetpen qaraıdy. Festıvaldiń uıymdastyrylýy joǵary deńgeıde, men basqa qalalardaǵy Comic Con-da da boldym, biraq mundaǵy atmosfera óte keremet dep aıta alamyn, – dedi Qewbite.

Festıvaldiń úshinshi kúnindegi jarqyn sátterdiń biri – eki basty hedlaınerdiń baspasóz konferenııasy boldy. Olar BAQ ókilderiniń saýaldaryna jaýap berdi.

• Esaı Morales – 40 jyldyq tájirıbesi bar Gollıvýd juldyzy («Ozark», «Tıtany», «Mıssııa nevypolnıma», «La Bamba»).
• Skott Edkıns – akter jáne jekpe-jek óneriniń sheberi ( «Neosporımyı» fılmderiniń serııasy, «Djon Ýık 4», «Doktor Strendj», «Ip Man 4»).

Esaı Morales Astanada qandaı fılm túsirgisi keletinin de aıtyp berdi.

«Múmkin, bul kimniń kim ekenin anyqtaıtyn tyńshylyq jaıly fılm bolar. Munda túrli mádenıetter, ıdeıalar, Eýropa men Azııadan kelgen adamdar toǵysady. Fılm túsirý arqyly bul qalany tanyp, zertteý óte qyzyq bolar edi. Eger men osynda kıno túsirsem, bul tyńshylyq pen romantıkalyq komedııa janryndaǵy týyndy bolar edi», – dedi akter.

Skott Edkıns Qazaqstanda fılmge túsýdi qalaıtynyn  jasyrmady. Sondaı-aq ol Báıterekte tilek tilegenin, al eger ol oryndalsa, Astanaǵa qaıta oralyp, ony mindetti túrde bólisýge ýáde etti.

«Men bul ásem qalany kórdim. Maǵan kórikti jerler men murajaılardy qamtıtyn shaǵyn ekskýrsııa uıymdastyrdy. Biz meıramhanada boldyq. Aıtpaqshy, munda taǵamdar óte dámdi. Maǵan adamdardyń jyly qarsy alýy, qonaqjaılyǵy  qatty unady», – dedi Skott Edkıns.

Festıvaldiń úshinshi kúninde jalpy júlde qory 15 mıllıon teńgeni quraıtyn halyqaralyq kospleı baıqaýynyń kezekti irikteý kezeńi ótti. «Barys Arena» basty sahnasynda tanymal kásibı kospleıshiler men jańa qatysýshylar vıdeooıyndar, komıkster, manga, anıme jáne tanymal fılmder keıipkerleriniń obrazdaryn usyndy.

Osy ýaqytta festıval aıasyndaǵy qarama qarsy alań – «Astana Arena» sport kesheninde geımerler, azııalyq pop-mýzykanyń jankúıerleri, manga men anıme fanattary arnaıy taqyryptyq aımaqtarda bas qosty. Munda stıldi fotoaımaqtar, retro-oıyndar usynylǵan oıyn aımaǵy, erkin bıleýge arnalǵan Just Dance sahnasy, Tekken týrnırine arnalǵan alań jáne basqa da qyzyqty oryndar qamtyldy.

Avtorlar alleıasynda jáne jármeńke aımaǵynda ártúrli janrda jumys isteıtin 150-den astam qazaqstandyq sýretshi men qolóner sheberi óz týyndylaryn usyndy.

Bıyl shara 9-13 shilde aralyǵynda ótip jatyr jáne oǵan 75 000-nan astam qonaq keledi dep kútilýde, onyń keminde 10 000-y – sheteldik týrıst.

Comic Con Astana-2025 festıvali Astana qalasy ákimdigi men «Astana Tourism» týrızmdi damytý ortalyǵynyń qoldaýymen ótýde.