Comic Con Astana فەستيۆالىنە Marvel, «دجون ۋيك» جانە «نەۋدەرجيمىە» فيلمدەرىنىڭ اكتەرى قاتىسادى

فوتو: اشىق دەرەككوز

Comic Con Astana فەستيۆالىنە Marvel, «دجون ۋيك» جانە «نەۋدەرجيمىە» فيلمدەرىنىڭ اكتەرى قاتىسادى, دەپ جازدى qandastar.kz

Comic Con Astana ۇيىمداستىرۋشىلارى ورتالىق ازياداعى ەڭ ءىرى گيك-مادەنيەت فەستيۆالىنىڭ تاعى ءبىر گولليۆۋدتىق قوناعىنىڭ ەسىمىن جاريالادى. ءۇشىنشى حەدلاينەر – سكوتت ەدكينس. ول – جاۋىنگەرلىك ونەر شەبەرى, ەكشن فيلمدەر مەن Marvel جوبالارىنداعى اسەرلى رولدەرىمەن تانىمال بريتان اكتەرى.

سكوتت ەدكينس جانكۇيەرلەردىڭ سۇيىسپەنشىلىگىنە اسەرلى رولدەرى مەن جەكپە-جەك كورىنىستەرىندەگى كەرەمەت حورەوگرافياسى ارقىلى يە بولدى. ونىڭ شىعارماشىلىعىندا كۋلتتىك فرانشيزا – «نەوسپوريمىي» فيلمىندەگى يۋري بويكا ءرولى, سونداي-اق «دوكتور سترەندج», «ليۋدي يكس: ناچالو. روسوماحا», «دجون ۋيك 4», «نەۋدەرجيمىە 2», «ۋلتيماتۋم بورنا» سىندى بلوكباستەرلەر بار.

ەدكينستىڭ باسقا دا تانىمال جۇمىستارىنىڭ قاتارىنا «تسەل نومەر ودين», «ۋنيۆەرسالنىي سولدات 4», «دنەۆنايا سمەنا», «پرەستۋپنيك», «يپ مان 4», «روزوۆايا پانتەرا» فيلمدەرى مەن «مۋتانتى يكس» تەلەحيكاياسى جاتادى.

Comic Con Astana بيىل بەس كۇنگە سوزىلادى (9-13 شىلدە ارالىعى) جانە العاش رەت ەكى ءىرى الاڭدا وتەدى: «استانا-ارەنا» ستاديونى مەن «بارىس-ارەنا» كوپفۋنكتسيونالدى مۇز سارايىندا.

2025 جىلى فەستيۆال تەك باعدارلاماسىن جانە قوناقتار گەوگرافياسىن كەڭەيتىپ قانا قويماي, ءوز تاريحىندا العاش رەت بىردەن ءۇش گولليۆۋدتىق حەدلاينەردى ۇسىندى. 2025 جىلعى شارانىڭ حەدلاينەرلەرى قاتارىندا ەندي سەركيس پەن ەساي مورالەس بار.

ارنايى قوناقتاردىڭ قاتارىندا تانىمال ۆيدەوبلوگەرلەر Qewbite, مارموك, ناستيا دجەكسون, «Metal Family» انيماتسيالىق ۆەب-سەريالىنىڭ اۆتورلارى الينا كوۆالەۆا مەن دميتري ۆدوۆەنكو, «چيورنىي كابينەت» YouTube ارناسىنىڭ اۆتورى ارتيوم گۋتكوۆسكي, سۋرەتشى گلەب مەلنيكوۆ (Big Gleb), YouTube-كرەاتور Johan جانە تاعى باسقالار بار.
فەستيۆال اياسىندا قازاقستان مەن يسپانيانىڭ الەمدىك پروكات پەن جاھاندىق Netflix ستريمينگتىك سەرۆيسىنە ارنالعان العاشقى بىرلەسكەن حالىقارالىق جوباسى – «ءبىتىم» (La Tregua) ءفيلمى تانىستىرىلادى.

فەستيۆال «Astana Tourism» جشس ءتۋريزمدى دامىتۋ ورتالىعىنىڭ قولداۋىمەن وتەدى.

فەستيۆال اياسىندا كوپتەگەن تاقىرىپتىق ايماقتار مەن جارقىن سەرىكتەستىك ينتەگراتسيالار ۇسىنىلادى. ءاربىر ايماق قوناقتارعا ەرەكشە اسەر مەن ۇمىتىلماس تاجىريبە سىيلاماق.

Visa — Comic Con 2025-ءتىڭ رەسمي سەرىكتەسى رەتىندە كرەاتيۆ پەن ءوزىن-ءوزى ەركىن بىلدىرۋگە قولداۋ كورسەتەدى. ء«بىز ءۇشىن ۇلكەن وزگەرىستەر شاعىن قادامداردان باستالادى — بيلەت ساتىپ الۋدان باستاپ كوسپلەيگە قاتىسۋعا دەيىن. ءدال وسى ساتتەر ادامداردىڭ شابىتتانۋىنا جول اشادى,» — دەيدى كومپانيا وكىلدەرى.

فەستيۆال اياسىندا Freedom Bank پەن Visa تولەم جۇيەسى قوناقتار ءۇشىن ارنايى فوتوزونالار, ەكسكليۋزيۆتى بانكتىك كارتالار, برەندتەلگەن ونىمدەر مەن ءتۇرلى توسىنسىيلار ازىرلەيدى. سونىمەن قاتار, حالىقارالىق كوسپلەي بايقاۋى اياسىندا Freedom Bank پەن Visa اتىنان ارنايى نوميناتسيا تاعايىندالادى.

سونىمەن قاتار فەستيۆالگە جىلدام تاماقتانۋ جەلىسى I’M قايتا ورالادى. بيىلعى جىلدىڭ گاسترونوميالىق جاڭالىعى – شىرىندى فرەنچ-دوگ العاش رەت فەستيۆال الاڭىندا ۇسىنىلادى. سونداي-اق قوناقتاردى ەستە قالارلىق سۋرەتتەرگە ارنالعان ءساندى فوتوزونا مەن جاعىمدى سىيلىقتار ۇسىناتىن ۇتىسسىز لوتەرەيا كۇتەدى.

Perfetti Van Melle كومپانياسى اتىنان اتى اڭىزعا اينالعان Chupa Chups برەندى قاتىسادى. برەند ايماعىندا قوناقتاردى Chupa Chups ستيلىندەگى اسەرلى ينستاللياتسيالار كۇتەدى. ول – قاتىسۋشىلارعا ساپالى ءارى كوركەم فوتولار جاساۋعا تاپتىرماس مۇمكىندىك. بۇعان قوسا ءاربىر ادامدى باقىت پەن بالالىق شاقتىڭ ءدامىن ەسكە تۇسىرەتىن ءتۇرلى سىيلىقتار مەن توسىنسىيلار كۇتەدى.