Comic Con Astana festıvaline Marvel, «Djon Ýık» jáne «Neýderjımye» fılmderiniń akteri qatysady

Foto: ashyq derekkóz

Comic Con Astana festıvaline Marvel, «Djon Ýık» jáne «Neýderjımye» fılmderiniń akteri qatysady, dep jazdy qandastar.kz

Comic Con Astana uıymdastyrýshylary Ortalyq Azııadaǵy eń iri gık-mádenıet festıvaliniń taǵy bir gollıvýdtyq qonaǵynyń esimin jarııalady. Úshinshi hedlaıner – Skott Edkıns. Ol – jaýyngerlik óner sheberi, ekshn fılmder men Marvel jobalaryndaǵy áserli rólderimen tanymal brıtan akteri.

Skott Edkıns jankúıerlerdiń súıispenshiligine áserli rólderi men jekpe-jek kórinisterindegi keremet horeografııasy arqyly ıe boldy. Onyń shyǵarmashylyǵynda kýlttik franshıza – «Neosporımyı» fılmindegi Iýrıı Boıka róli, sondaı-aq «Doktor Strendj», «Lıýdı Iks: Nachalo. Rosomaha», «Djon Ýık 4», «Neýderjımye 2», «Ýltımatým Borna» syndy blokbasterler bar.

Edkınstiń basqa da tanymal jumystarynyń qataryna «el nomer odın», «Ýnıversalnyı soldat 4», «Dnevnaıa smena», «Prestýpnık», «Ip Man 4», «Rozovaıa pantera» fılmderi men «Mýtanty Iks» telehıkaıasy jatady.

Comic Con Astana bıyl bes kúnge sozylady (9-13 shilde aralyǵy) jáne alǵash ret eki iri alańda ótedi: «Astana-Arena» stadıony men «Barys-Arena» kópfýnkıonaldy muz saraıynda.

2025 jyly festıval tek baǵdarlamasyn jáne qonaqtar geografııasyn keńeıtip qana qoımaı, óz tarıhynda alǵash ret birden úsh gollıvýdtyq hedlaınerdi usyndy. 2025 jylǵy sharanyń hedlaınerleri qatarynda Endı Serkıs pen Esaı Morales bar.

Arnaıy qonaqtardyń qatarynda tanymal vıdeoblogerler Qewbite, Marmok, Nastıa Djekson, «Metal Family» anımaııalyq veb-serıalynyń avtorlary Alına Kovaleva men Dmıtrıı Vdovenko, «Chıornyı Kabınet» YouTube arnasynyń avtory Artıom Gýtkovskıı, sýretshi Gleb Melnıkov (Big Gleb), YouTube-kreator Johan jáne taǵy basqalar bar.
Festıval aıasynda Qazaqstan men Ispanııanyń álemdik prokat pen jahandyq Netflix strımıngtik servısine arnalǵan alǵashqy birlesken halyqaralyq jobasy – «Bitim» (La Tregua) fılmi tanystyrylady.

Festıval «Astana Tourism» JShS Týrızmdi damytý ortalyǵynyń qoldaýymen ótedi.

Festıval aıasynda kóptegen taqyryptyq aımaqtar men jarqyn seriktestik ıntegraııalar usynylady. Árbir aımaq qonaqtarǵa erekshe áser men umytylmas tájirıbe syılamaq.

Visa — Comic Con 2025-tiń resmı seriktesi retinde kreatıv pen ózin-ózi erkin bildirýge qoldaý kórsetedi. «Biz úshin úlken ózgerister shaǵyn qadamdardan bastalady — bılet satyp alýdan bastap kospleıge qatysýǵa deıin. Dál osy sátter adamdardyń shabyttanýyna jol ashady,» — deıdi kompanııa ókilderi.

Festıval aıasynda Freedom Bank pen Visa tólem júıesi qonaqtar úshin arnaıy fotozonalar, eksklıýzıvti banktik kartalar, brendtelgen ónimder men túrli tosynsyılar ázirleıdi. Sonymen qatar, halyqaralyq kospleı baıqaýy aıasynda Freedom Bank pen Visa atynan arnaıy nomınaııa taǵaıyndalady.

Sonymen qatar festıvalge jyldam tamaqtaný jelisi I’M qaıta oralady. Bıylǵy jyldyń gastronomııalyq jańalyǵy – shyryndy french-dog alǵash ret festıval alańynda usynylady. Sondaı-aq qonaqtardy este qalarlyq sýretterge arnalǵan sándi fotozona men jaǵymdy syılyqtar usynatyn utyssyz lotereıa kútedi.

Perfetti Van Melle kompanııasy atynan aty ańyzǵa aınalǵan Chupa Chups brendi qatysady. Brend aımaǵynda qonaqtardy Chupa Chups stılindegi áserli ınstallıaııalar kútedi. Ol – qatysýshylarǵa sapaly ári kórkem fotolar jasaýǵa taptyrmas múmkindik. Buǵan qosa árbir adamdy baqyt pen balalyq shaqtyń dámin eske túsiretin túrli syılyqtar men tosynsyılar kútedi.