«Cورلى ەركەك»: ماقاتاەۆتى قورلاعان تيكتوكەر اقىننىڭ ەسكەرتكىشىنە بارىپ, تىزەرلەپ كەشىرىم سۇرادى

فوتو: اشىق دەرەككوز

TikTok جەلىسىندە الىشەر تەمەنوۆ ەسىمدى جىگىت مۇقاعالي ماقاتاەۆتى “سورلى ەركەك” دەپ اتاپ, سىننىڭ استىندا قالعان بولاتىن. ەلدىڭ سىنىنا قالعاننان كەيىن ول اقىننىڭ ەسكەرتكىشىنە بارىپ كەشىرىم سۇراعان. بۇل تۋرالى Stan.kz اقپارات اگەنتتىگى حابارلايدى.

ول روليكتەرىنىڭ بىرىندە مۇقاعالي ماقاتاەۆتى ومىرىنە شاعىمدانا بەرەتىن سورلى ەركەك دەپ اتاعان.

«بۇگىن مەنىڭ تۋعان كۇنىم وي ءپالى-اي, مىنا ادامدار نەگە جاتىر تويلاماي» دەيدى. «ەي, سەن جامان ءسوز) ءبىرىنشى جاساساڭشى تۋعان كۇنىڭدى. سوسىن بارامىز عوي. «بانكەت جاساپ بەرەر ەدىم ءوزىم-اق, ءتاڭىردىڭ ءبىر جارىتپاي-اق قويعانى-اي» دەيدى. قۇدايدىڭ نە قاتىسى بار? سەنىڭ تۋعان كۇنىڭدە ۇستەلىڭنىڭ جايىلىپ تۇرعانى قۇدايعا بايلانىستى ما? ءوزىڭ جاسا! ەركەكسىڭ عوي, نە ءۇشىن وتىرسىڭ مىنا جەردە? وتانىڭدى قورعايسىڭ – ەركەكسىڭ, اۋلەتىڭدى قورعايسىڭ – ەركەكسىڭ. ايەلىڭدى قورعايسىڭ – ەركەكسىڭ. ۇكىمەتتەن ء«ۇيدى قاشان بەرەدى» دەپ كۇتىپ وتىرساڭ, وندا سەن ەركەك ەمەسسىڭ», – دەيدى ول.

بلوگەر بۇل سوزدەرىنەن كەيىن قوعام سىنىنا ۇشىرادى.

«باسقا پالە تىلدەن» دەگەن. حايپ قۋىپ, اقشا تابامىن دەدى مە ەكەن, مىنا «وتتاپ» وتىرعان سورلىنى قاراسازدىڭ جىگىتتەرى الىپ كەتىپتى. ايەلى ۇيىندە جان تاپپاي وتىر ەكەن. ونلاين كەشىرىم سۇراعانىنا دا قاراماعان.

قازىر الەۋمەتتىك جەلىدە «پاراقشام وزىمدىكى, نە ايتام ءوزىم بىلەمىن, ۇناماسا جازىلىمدى الىپ تاستا» دەپ قۋىپ وتىراتىن «دانىشپاندار» كوبەيگەن. ولارعا زاڭ جۇرمەيتىن سياقتى. مىنا شالاساۋاتتى نارىنقولدىڭ جىگىتتەرى مەرتىكتىرمەي امان جىبەرسە بولدى. اۋىز وزىمدىكى ەكەن دەپ وتتاي بەرۋگە بولمايتىنىن جاقسىلاپ ۇقتىردى دەپ ويلايمىن», – دەپ جازدى جۋرناليست گۇلبانۋ انياتقىزى.

بلوگەردىڭ وسى ارەكەتىنەن كەيىن مۇقاعالي ماقاتاەۆتىڭ ەسكەرتكىشىنىڭ الدىنا بارىپ, باسىن ءيىپ كەشىرىم سۇراعان ۆيدەوسى تارادى.
«قازاق ەلىنىڭ الدىندا جاساپ قويعان ۇلكەن ءبىر ەركەلىگىمدى ارۋاق كەشىرسىن دەگەن نيەتپەن ءدال قازىر مۇقاعالي اتامىزدىڭ ءۇيىنىڭ الدىندا تۇرمىن. بارشا قازاق ەلىنەن جاساعان ۇلكەن قاتەلىگىم ءۇشىن كەشىرىم سۇرايمىن», – دەيدى بلوگەر الىشەر تەمەنوۆ.