«Corly erkek»: Maqataevty qorlaǵan tıktoker aqynnyń eskertkishine baryp, tizerlep keshirim surady

Foto: ashyq derekkóz

TikTok jelisinde Álisher Temenov esimdi jigit Muqaǵalı Maqataevty “sorly erkek” dep atap, synnyń astynda qalǵan bolatyn. Eldiń synyna qalǵannan keıin ol aqynnyń eskertkishine baryp keshirim suraǵan. Bul týraly Stan.kz aqparat agenttigi habarlaıdy.

Ol rolıkteriniń birinde Muqaǵalı Maqataevty ómirine shaǵymdana beretin sorly erkek dep ataǵan.

«Búgin meniń týǵan kúnim oı páli-aı, myna adamdar nege jatyr toılamaı» deıdi. «Eı, sen jaman sóz) birinshi jasasańshy týǵan kúnińdi. Sosyn baramyz ǵoı. «Banket jasap berer edim ózim-aq, táńirdiń bir jarytpaı-aq qoıǵany-aı» deıdi. Qudaıdyń ne qatysy bar? Seniń týǵan kúnińde ústelińniń jaıylyp turǵany qudaıǵa baılanysty ma? О́ziń jasa! Erkeksiń ǵoı, ne úshin otyrsyń myna jerde? Otanyńdy qorǵaısyń – erkeksiń, áýletińdi qorǵaısyń – erkeksiń. Áıelińdi qorǵaısyń – erkeksiń. Úkimetten «úıdi qashan beredi» dep kútip otyrsań, onda sen erkek emessiń», – deıdi ol.

Bloger bul sózderinen keıin qoǵam synyna ushyrady.

«Basqa pále tilden» degen. Haıp qýyp, aqsha tabamyn dedi me eken, myna «ottap» otyrǵan sorlyny Qarasazdyń jigitteri alyp ketipti. Áıeli úıinde jan tappaı otyr eken. Onlaın keshirim suraǵanyna da qaramaǵan.

Qazir áleýmettik jelide «paraqsham ózimdiki, ne aıtam ózim bilemin, unamasa jazylymdy alyp tasta» dep qýyp otyratyn «danyshpandar» kóbeıgen. Olarǵa zań júrmeıtin sııaqty. Myna shalasaýatty Narynqoldyń jigitteri mertiktirmeı aman jiberse boldy. Aýyz ózimdiki eken dep ottaı berýge bolmaıtynyn jaqsylap uqtyrdy dep oılaımyn», – dep jazdy jýrnalıst Gúlbaný Ánııatqyzy.

Blogerdiń osy áreketinen keıin Muqaǵalı Maqataevtyń eskertkishiniń aldyna baryp, basyn ıip keshirim suraǵan vıdeosy tarady.
«Qazaq eliniń aldynda jasap qoıǵan úlken bir erkeligimdi arýaq keshirsin degen nıetpen dál qazir Muqaǵalı atamyzdyń úıiniń aldynda turmyn. Barsha qazaq elinen jasaǵan úlken qateligim úshin keshirim suraımyn», – deıdi bloger Álisher Temenov.