“داعدارىس ورتالىقتارى وداعى” “اياۋلى جان” جوباسى اياسىندا ديالوگ الاڭىن وتكىزدى

«داعدارىس ورتالىقتارى وداعى» زتب الماتى قالاسىنىڭ قوعامدىق دامۋ باسقارماسىنىڭ قولداۋىمەن «اياۋلى جان» الەۋمەتتىك جوباسى اياسىندا 2024 جىلعى 15 ساۋىردەگى قازاقستان رەسپۋبليكاسىنىڭ پرەزيدەنتى قول قويعان «قازاقستان رەسپۋبليكاسىنىڭ ايەلدەردىڭ قۇقىقتارى مەن بالالار قاۋىپسىزدىگىن قامتاماسىز ەتۋ ماسەلەلەرى بويىنشا كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكانىڭ زاڭىن جۇزەگە اسىرۋ» تاقىرىبىنداعى ديالوگ الاڭىن وتكىزدى.

بۇل زاڭنىڭ قابىلدانۋى تۇرمىستىق زورلىق-زومبىلىققا قارسى كۇرەستە جانە حالىقتىڭ وسال توپتارىنىڭ قۇقىقتارىن قورعاۋدى كۇشەيتۋدە ماڭىزدى قادام بولدى. ايتا كەتۋ كەرەك, ستاتيستيكالىق مالىمەتتەرگە سۇيەنسەك, قازاقستاندىق وتباسىلاردا ايەلدەر مەن بالالارعا قاتىستى تۇرمىستىق زورلىق-زومبىلىق فاكتىلەرى ءالى دە كەزدەسەدى.
ديالوگتىق الاڭنىڭ ماقساتى – جاڭا زاڭنامالىق نورمالاردى ەنگىزۋ جانە تۇرمىستىق زورلىق-زومبىلىق قۇرباندارىنا كومەك كورسەتۋدىڭ ءتيىمدى تەتىكتەرىن قۇرۋ بويىنشا ءىس-ارەكەتتەردىڭ ناقتى الگوريتمىن ازىرلەۋ ءۇشىن بارلىق مۇددەلى تاراپتاردىڭ كۇش-جىگەرىن بىرىكتىرۋ.

شاراعا ۇكىمەتتىك ەمەس ۇيىمدار, الماتى قالاسى اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ وكىلدەرى, ايەلدەردى زورلىق-زومبىلىقتان قورعاۋ توبىنىڭ ينسپەكتورلارى, شىمكەنت جانە الماتى قالالارىنىڭ داعدارىس ورتالىقتارىنىڭ وكىلدەرى, سونداي-اق باسقا دا مۇددەلى تاراپتار كەلدى.
اشىق پىكىرتالاس پروبلەمالىق ماسەلەلەردى جان-جاقتى تالداۋعا جانە جاڭا زاڭدى ءساتتى جۇزەگە اسىرۋ ءۇشىن بارلىق قاتىسۋشى تاراپتاردىڭ ءوزارا ءىس-قيمىلىنىڭ ءتيىمدى تەتىكتەرىن ازىرلەۋگە مۇمكىندىك بەردى.