“Daǵdarys ortalyqtary odaǵy” “Aıaýly jan” jobasy aıasynda dıalog alańyn ótkizdi

«Daǵdarys ortalyqtary odaǵy» ZTB Almaty qalasynyń Qoǵamdyq damý basqarmasynyń qoldaýymen «Aıaýly jan» áleýmettik jobasy aıasynda 2024 jylǵy 15 sáýirdegi Qazaqstan Respýblıkasynyń Prezıdenti qol qoıǵan «Qazaqstan Respýblıkasynyń áıelderdiń quqyqtary men balalar qaýipsizdigin qamtamasyz etý máseleleri boıynsha keıbir zańnamalyq aktilerine ózgerister men tolyqtyrýlar engizý týraly» Qazaqstan Respýblıkanyń Zańyn júzege asyrý» taqyrybyndaǵy dıalog alańyn ótkizdi.

Bul zańnyń qabyldanýy turmystyq zorlyq-zombylyqqa qarsy kúreste jáne halyqtyń osal toptarynyń quqyqtaryn qorǵaýdy kúsheıtýde mańyzdy qadam boldy. Aıta ketý kerek, statıstıkalyq málimetterge súıensek, qazaqstandyq otbasylarda áıelder men balalarǵa qatysty turmystyq zorlyq-zombylyq faktileri áli de kezdesedi.
Dıalogtyq alańnyń maqsaty – jańa zańnamalyq normalardy engizý jáne turmystyq zorlyq-zombylyq qurbandaryna kómek kórsetýdiń tıimdi tetikterin qurý boıynsha is-áreketterdiń naqty algorıtmin ázirleý úshin barlyq múddeli taraptardyń kúsh-jigerin biriktirý.

Sharaǵa úkimettik emes uıymdar, Almaty qalasy ákimi janyndaǵy áıelder isteri jáne otbasylyq-demografııalyq saıasat jónindegi komıssııanyń ókilderi, áıelderdi zorlyq-zombylyqtan qorǵaý tobynyń ınspektorlary, Shymkent jáne Almaty qalalarynyń daǵdarys ortalyqtarynyń ókilderi, sondaı-aq basqa da múddeli taraptar keldi.
Ashyq pikirtalas problemalyq máselelerdi jan-jaqty taldaýǵa jáne jańa zańdy sátti júzege asyrý úshin barlyq qatysýshy taraptardyń ózara is-qımylynyń tıimdi tetikterin ázirleýge múmkindik berdi.