Daǵystandaǵy jarylys: elde 28 qyrkúıek aza tutý kúni dep jarııalandy

Foto: Ashyq derekkózden

Daǵystan Respýblıkasynda 28 qyrkúıek qaraly kún bolyp jarııalandy, dep habarlaıdy Ulysmedia.kz.

OQIǴANYŃ MÁN-JAIY

Aza tutý týraly Daǵystan Respýblıkasynyń basshysy Sergeı Melıkov jarııalady. Sheneýnik áleýmettik jelilerde 28 qyrkúıekti Mahachkaladaǵy janarmaı quıý beketinde bolǵan jarylys kezinde qaza tapqandardy aza tutý kúni dep jarııalanǵanyn habarlady.

«Men 28 qyrkúıekti Daǵystanda aza tutý kúni dep jarııalaýdy uıǵardym. Taǵy da aýyr qaıǵyǵa tap bolǵan otbasylarǵa qaıǵyryp kóńil aıtamyn. Eń jaqyn adamnan aırylýdyń qandaı aýyr ekenin, ony sózben aıtyp jetkizý múmkin emes ekenin jan tánimmen túsinemin. Biraq men biz sizdermen birge ekenimizdi, biz sizderge barynsha jan-jaqty qoldaý kórsetetinimizdi bilgenderińizdi qalaımyn», dep jazdy ol.

Eske sala ketsek, 27 qyrkúıekte Mahachkalada janarmaı quıý beketinde joıqyn jarylys bolyp, qaza tapqandar sany 12 adamǵa jetti, onyń ishinde bireýi bala. Belgili bolǵan 15 zardap shegýshi jedel túrde jergilikti aýrýhanalarǵa jetkizildi. Zardap shekkenderdiń barlyǵy ortasha deńgeıde jaraqat alǵan.