Jańalyqtar
«Daıyn bolaıyq»: Qazaqstanda qant tapshylyǵy bolýy múmkin be?
![](https://qandastar.kz/wp-content/uploads/2024/05/IMG_6004-780x405.jpeg)
Aýyl sharýashylyǵy mınıstri Aıdarbek Saparov elimizdiń qantpen qamtylý máselesine toqtaldy
«Jalpy qanttyń qajettiligi jylyna – 550 myń tonna. Bizde búgingi kúni 90 myń tonna qant bar. Odan basqa alatyn 120 myń tonna kvotamyz bar. Ol áli bastalǵan joq. Ony mamyr aıynan bastap alamyz. Bajsyz kirgiziletin 300 myń tonna qant quraǵy bar. Qant jetkilikti deýge bolady. Jaqynda qosymsha taǵy 80 myń tonna qant jetkizý týraly Reseı aýyl sharýashylyǵy mınıstri Patrýshevpen (red. – Dmıtrıı Patrýshev) sóılestim. Endi daıyn bolaıyq, kim biledi jaǵdaı ártúrli bolyp ketýi múmkin. Sondyqtan qant jaǵy 100 paıyz qamtylady dep oılaımyn. Bıyl másele bolmaýy kerek», – dedi vedomstvo basshysy.