«ءدال ءانارۋ سياقتى الداعان»: جانقوش تۇراروۆ بۇعان دەيىن تاعى ەكى قىزدى زورلادى دەگەن اقپار شىقتى

ءانارۋ قۇرمانالىنىڭ ادۆوكاتى ءلاززات احاتوۆا بوكسشى جانقوش تۇراروۆقا قاتىستى مالىمدەمە جاسادى, دەپ حابارلايدى qandastar.kz  Skifnews.kz اقپارات پورتالىنا سىلتەمە جاساپ.

جىلدىڭ باسىندا ادۆوكاتتىق قىزمەتىمدى ۋاقىتشا توقتاتىپ ەدىم. ەكى كۇن بۇرىن قايتا جاڭعىرتىپ, ادۆوكاتتىق وكىلەتتىگىمدى جالعاستىرۋعا تۋرا كەلدى. جانقوش تۇراروۆقا قاتىستى ءىس بويىنشا جابىرلەنۋشى ءانارۋ قالدىبەكقىزىنىڭ رەسمي قورعاۋشىسىمىن.

قازىر الماتىدامىن. ءىس بويىنشا شيەلەنىسكەن جايتتار وتە كوپ. ازىرگە ءبىرازىنا توقتالا كەتەيىن. انارۋعا بۇنداي قادامعا بارۋ وڭايعا سوقپاعان. قىز قاتتى كۇيزەلىستە جۇرگەندىكتەن, سۇقباتتا ويىن جيناقتاي الماي, كوپ نارسەنى ايتا الماعان. وزىنە بۇكىل الەم تۇسىنبەي, قارسى بولاتىنداي, ءتىپتى سۋيتسيد جاساردىڭ الدىندا ايتىپ كەتەم دەگەن وي بولعان سياقتى. دەگەنمەن مىقتى ەكەن.

بۋللينگكە قارسى تۇرۋدىڭ ءوزى مىقتىلىق قوي. قازىر سىزدەردىڭ قولداۋلارىڭىزديا سەزىنىپ, وزىنە كەلە باستادى. كوڭىل-كۇيى دە جاقسارىپ, اشىلا باستادى. ال 2018 -جىلدان بەرى نەگە ارىز بەرمەگەن دەپ, پالەن-تۇگەن, وتباسىلى ەركەكپەن بايلانىساردا ويلانباي ما, بىردەڭە دەپ جاتقاندار تومەندەگى مالىمەتتەرگە نازار اۋدارۋلارىڭىزدى سۇرايمىن:

ءانارۋ جانقوش تۇراروۆتىڭ ۇستىنەن 2018 -جىلى المالى اۋداندىق پوليتسيا بولىمىنە ارىز بەرگەن ەكەن.

ءبىر كۇن قاماۋدا ۇستاپ, ارىزىن قابىلداماي, جىبەرگەن. ول جولى وپەرلار ۇرىپ-سوقپاعان(!) قاماپ, بوساتىپ جىبەرگەن. كۋا بولعان قۇربىسى بار. قاجەت بولسا, تەرگەۋگە دە, سوتقا دا بارىپ, كۋالىك ەتە الام دەپ وتىر. بۇل ءبىر. ەكىنشى رەت, 2023 جىلى جابىرلەنۋشى تۇراروۆقا قارىم-قاتىناستى توقتاتاتىنىن ايتىپ, ەندى جايىنا قالدىرماسا, ۇستىنەن ارىز جازاتىنىن ايتقان. ارتىنشا كوشەدە ءانارۋدى پوليتسەيلەر ۇستاپ, ماشيناعا سالىپ, جەتىسۋ اۋداندىق پوليتسيا بولىمشەسىنە الىپ كەلىپ, بىرنەشە ساعات ۇرىپ-سوعىپ, ەلەكتروشوكەرمەن كۇيدىرىپ, قيناعان.

سەبەپ-سالدارىن ايتپاعان. نە بولعانىن دا تۇسىنبەگەن ءانارۋ قالدىبەكقىزى ۇرىپ-سوققان پوليتسيا قىزمەتكەرىنىڭ ۇستىنەن ارىز تۇسىرگەن. ءىس سول كۇيى جابىلىپ كەتكەن. (!) قايتا ارىزداناتىن بولامىز. قاڭتاردا ۇتىكپەن كۇيدىرگەن, قايناعان سۋ قۇيىپ ازاپتاعان جاۋىزدىقتاردى جاساعان پوليتسياعا قىز بالاعا بۇنداي جاۋىزدىق جاساۋ تۇك تۇرماسا كەرەك. ۇيرەنشىكتى ادىستەرى عوي. ەكى وقيعانىڭ ءبىر-بىرىنە قاتىسى بار ما, الدە كەزدەيسوقتىق پا, ناقتى دالەلىمىز جوق..بىراق ىشكى تۇيسىككە بۇل وقيعالاردىڭ ءبارىنىڭ ءبىر-بىرىنە بايلانىسى بارداي سەزىلەدى..(تومەندە ءانارۋدىڭ ارىزى مەن كوگالا قويداي دەنەسىنىڭ فوتولارىن سالدىم) اتالعان وقيعالارعا قاتىستى ءتيىستى مەكەمەلەرگە رەسمي ادۆوكاتتار ساۋالدار جولداپ جاتىرمىن. جاۋاپتارىن وسىندا جاريالاپ وتىرامىن.

ساراپتامانىڭ دا زاڭدىلىقتاردىڭ ساقتالىپ جاسالعانىنا كۇمانىمىز بار. مول سەبەپتى استاناداعى تاۋەلسىز سوت ساراپتاما ورتالىعىنىڭ نۇسقاۋىمەن ەرتەڭ تاۋەلسىز ساراپشىلار مەن دارىگەرلەردىڭ قاراۋىنا جازىلىپ قويدىق. ءوز بەتىمىزشە تەكسەرىلىپ, مامانداردىڭ قورىتىندىسىن الاتىن بوپ, شەشتىك. مۇمكىن قوسىمشا قايتالاما ساراپتاما جاساۋعا تالاپ-تىلەك قوياتىن شىعارمىز. تاعى ءبىر ايتا كەتەتىن جايت- تۇراروۆتىڭ ادۆوكاتىنىڭ ايتقان ارىز جازۋعا جابىرلەنۋشى ماس بوپ كەلىپ, كيىمىن جىرتىپ, بەيادەپ قىلىقتار كورسەتتى دەگەن ءۋاجى بويىنشا ايتارىمىز:

سول كۇنى ارىز جازاتىنىن تۇراروۆتىڭ ايەلى بىلگەن. ءانارۋدى ارىز جازۋعا يتەرمەلەگەن تاعى ءبىر جاعداي – بوكسەردىڭ ايەلىنىڭ قورلاعان سوزدەرى. ەكەۋىنىڭ پەرەپيسكاسى بار. مۇندا سالا المايمىن, تەرگەۋگە, سوتقا دالەل رەتىندە وتكىزەمىز. اۋەزوۆ اۋداندىق پوليتسيا بولىمىنە كەلگەندە, ءانارۋدىڭ الدىنان ەكى قىز شىعىپ, “سەن با, جانقوشتىڭ ۇستىنەن ارىز جازباقشى بوپ جاتقان شالاۆا?”-دەپ, پروۆوكاتسيا جاساپ, فۋتبولكاسىن جىرتىپ, ۆيدەوعا ءتۇسىرىپ العان. ول ەكى قىزدى پوليتسيا قىزمەتكەرلەرى قارسى العانىن كورگەندەر دە بار. سوعان قاراعاندا, بۇل دا ۇيىمداستىرىلعان نارسە دەپ توپشىلايمىن.

بىرنەشە ساراپشى مامانمەن سويلەستىم, بۇنداي جاعدايدا ساراپتاما قورىتىندىسى 2-3 كۇندە شىعىپ قويۋ كەرەك. ويتكەنى مازوك, ەشتەڭە الماعان, دەنە جاراقاتىن عانا فيكساتسيا جاساعان. ال انارۋعا ساراپتاما قورىتىندىسى ءبىر ايدان سوڭ دايىن بولادى دەگەن.

ەندى تاعى ءبىر سۇمدىق جاڭالىق ايتايىن: جانقوش تۇراروۆ 2014 جىلى تاعى ءبىر قىزدى ءدال ءانارۋ سياقتى الداپ, قوناق ۇيگە اپارىپ, ءدارى بەرىپ, زورلاعان ەكەن. ول قىزدىڭ بوكسەردان ءبىر قىزى بار بوپ شىقتى. بۇل جاعداي تۇراروۆ ۇيلەنبەي تۇرعاندا ورىن العان. ءوزى شىقتى بىزگە. بارلىق جاعدايىن ايتىپ, انارۋعا قولداۋ ءبىلدىردى.

بۇدان بولەك, 2006 جىلعى ءبىر قىزدى دا ءدال وسى ادىسپەن قۇرىعىنا تۇسىرگەن دەگەن مالىمەت جەتتى. تەك قىزدىڭ كىم ەكەنىن ازىرگە انىقتاي المادىق..

سۋرەتتە: ءانارۋدى جەتىسۋ اۋد.پوليتسيا بولىمىندە ۇرىپ-سوققان فوتولار مەن ارىزى..ۆيدەولار دا بار. ولاردى دا قاجەت بولسا, سالامىز. ازىرگە وسىمەن توقتالا تۇرايىن. ءبىراز ماعلۇماتتاردى تەرگەۋ اياقتالعانشا, جاريالاي الماۋىم دا مۇمكىن. تەرگەۋ قۇپياسىن بىلەسىزدەر. الداعى ۋاقىتتاردا ءباسپاسوز كونفەرەنتسياسىن وتكىزەتىن شىعارمىز. ازىرگە سۇقبات, باعدارلامالارعا شاقىرۋدان باس تارتا تۇرۋعا تۋرا كەلىپ تۇر. تۇسىنىستىكپەن قارايدى دەپ سەنەمىز! جاناشىرلىق تانىتىپ, قىز تاعدىرىنا بەي-جاي قاراماي, جاقسى لەبىز ءبىلدىرىپ جاتقان وزدەرىڭىزگە, كومەك قولىن سوزىپ جاتقان جۋرناليستەرگە, ءانارۋدىڭ قۇربى, دوستارىنا مىڭ العىس!