DALA INSIDE ارناسى ۇكىمەت پەن حالىقارالىق ۇيىمداردان قولداۋ كۇتەدى

Dalanews/DALA INSIDE رەداكتسياسى تاۋەلسىز جۋرناليستەرى اتىنان قر باس پروكۋرورى ب.اسىلوۆقا, قر مادەنيەت جانە اقپارات ءمينيسترى ا.بالاەۆاعا, ءىىم ءمينيسترى ە.سادەنوۆكە, ء«ادىل ءسوز» حالىقارالىق ءسوز بوستاندىعىن قورعاۋ قورىنا, قازاقستان جۋرناليستەر وداعىنا, قازاقستان ترانسپارەنسي قورىنا, Internews-كە, بارلىق اقپارات قۇرالدارى مەن جۋرناليستەرگە ۇندەۋ جاريالادى,-دەپ حابارلايدى “qandastar” اقپاراتتىق اگەنتتىگى.

رەسمي ۇندەۋ

Dalanews جانە DALA INSIDE رەداكتسيالارىنىڭ تاۋەلسىز جۋرناليستەرى وسى ۇندەۋ اياسىندا «G-Park» قۇرىلىس كومپانياسى جانە ونىڭ باسشىسى عابيت ساتماعامبەتوۆ تۋرالى ماتەريالدار جاريالانعاننان كەيىن قىسىمعا تاپ بولعانىمىزدى حابارلايمىز جانە مۇنداي جاعدايعا الاڭداۋشىلىق بىلدىرەمىز. «G-Park» تۋرالى العاشقى ماتەريالداردان باستاپ, ءبىزدى جاۋاپكەرشىلىككە تارتقان وقيعالار حرونولوگياسىن ەگجەي-تەگجەيلى بايانداي وتىرىپ, ۇكىمەتتىك, حالىقارالىق ۇيىمداردىڭ قولداۋىن سۇرايمىز. DALA INSIDE «G-Park» قۇرىلىس كومپانياسىنىڭ باسشىسى عابيت ساتماعامبەتوۆ اشۋىنا قالاي ءتيدى?

استانا قالاسىنىڭ اكىمى جەڭىس قاسىمبەكتىڭ 2023 جىلعى 22 جەلتوقسانداعى «G-Park كومپانياسىنا جاڭا نىسانداردىڭ قۇرىلىسىن باستاۋعا تىيىم سالۋ» تۋرالى بارلىق باق-تا تاراتىلعان جاريا مالىمدەمەسى, ەكس اكىم التاي كولگىنوۆ وتستاۆكاعا كەتكەننەن كەيىن قۇرىلىس كومپانياسىندا پروبلەمالار باستالعاندىعىن, بۇرىنعى پوليتسيا قىزمەتكەرى ع.ساتماعامبەتوۆتىڭ جاعدايى ءماز ەمەس تۇجىرىمدى راستاي ءتۇستى. سەبەبى, الدىمەن «G-Gark» جشس «جەنەۆا» مجك نىسانى بويىنشا بويىنشا جوسىقسىز قۇرىلىس سالۋشىلار تىزىمىنە ەنگىزىلدى. ال ودان كەيىن رۇقسات قۇجاتتارى جوق تك قۇرىلىسىنا قاتىستى جانجالدار, 2023 جىلعى تامىزدا كەڭسەدە ۇلەسكەرلەردىڭ ميتينگىلەرى ورىن الدى. بۇعان دەيىن استانادا قۇرىلىس كومپانيالارىنىڭ باسشىلارى قاشىپ, زارداپ شەككەن ۇلەسكەرلەردىڭ قۇقىقتارى مەملەكەت تاراپىنان بىرنەشە رەت قورعالعاندىقتان, ولاردىڭ مىندەتتەمەلەرى تيىسىنشە سالىق تولەۋشىلەردىڭ قالتاسىنان, ەل بيۋدجەتىنەن جابىلدى. بۇقارالىق اقپارات قۇرالدارىندا جەكە قۇرىلىس كومپانياسىنىڭ كاپيتالىن نەمەسە بيزنەسىن قورعاسىن دەگەن ەش مىندەتتەمە جوق. جۋرناليستەر وزدەرىنىڭ كاسىبي بورىشىنا بايلانىستى تەك قانا ازاماتتاردى, ۇلەسكەرلەردى جانە مەملەكەتتى الداعى تاۋەكەلدەر تۋرالى ەسكەرتۋگە مىندەتتى. سوندىقتان مۇنداي كۇردەلى ماسەلەلەردى ۋاقتىلى انىقتاۋ جانە جاريالاۋ كوبىنەسە ۇلەسكەرلەردىڭ قۇقىقتارىن جاپپاي بۇزۋدى توقتاتۋعا جانە الدىن الۋعا مۇمكىندىك بەرەدى. ءبىزدىڭ رەداكتسيانىڭ قىزمەتى ءدال وسى ماقساتقا باعىتتالعان.

2023 جىلدىڭ 25 جەلتوقسانىندا DALA INSIDE تەلەگرام ارناسىندا «قۋات» وقيعاسى قايتالانادى. «G-Park» قۇرىلىس كومپانياسىنىڭ باسشىسى عابيت ساتماعامبەتوۆ دۋبايدا جاسىرىنۋعا كوشتى» تاقىرىبىمەن ماتەريال جاريالاندى.

اتالعان ماتەريال شىققاننان كەيىن «G-Park» باسشىسى عابيت ساتماعامبەتوۆ ءوزىنىڭ Instagram پاراقشاسىندا استانادا ەكەندىگىن جاريالاپ, رەداكتسياعا ءبىزدىڭ جاريالانىمدى جوققا شىعارۋ تۋرالى تالاپ جىبەردى. وسىدان كەيىن, 2023 جىلدىڭ 28 جەلتوقسانىندا DALA INSIDE عابيت ساتماعامبەتوۆتىڭ استانادا ەكەندىگى تۋرالى اقپاراتىنا سىلتەمە جاساي وتىرىپ, الدىڭعى ماتەريالدى تەرىسكە شىعارادى.

ياعني,جاريالانعان اقپارات جەدەل تۇردە تەرىسكە شىعارىلىپ, ەسكى پوست الىنىپ تاستالعاننان كەيىن,ماسەلە سول جەردە جويىلدى دەپ ەسەپتەدىك. الايدا ساتماعامبەتوۆ مىرزا جوق جەردەن «تىرناق استىنان كىر ىزدەۋدى» جالعاستىردى.
2024 جىلدىڭ 4 قاڭتارىندا ول استانا قالاسىنىڭ پوليتسيا دەپارتامەنتىنە ارىز جازدى. ول جۋرناليستەردىڭ نەگىزسىز شابۋىلىنا ۇشىراپ, دۋبايعا بارماعاندىعىن العا تارتادى. ءبىز العاشقى ماتەريالدى تەرىسكە شىعارىپ, الىپ تاستاساق تا, پوليتسيا عابيت ساتماعامبەتوۆتەن ارىزدى دەرەۋ قابىلدادى. جانە 2024 جىلدىڭ 5 قاڭتارىندا استانا قالاسى پوليتسيا دەپارتامەنتىنىڭ تەرگەۋ باسقارماسىنىڭ تەرگەۋشىسى ءبىزدىڭ ماتەريالىمىز بەن 365info.kz باسىلىمداعى ارىپتەستەرىمىزدىڭ ماتەريالىن قاراپ شىقتى. بۇل اقپاراتتىڭ باستاپقى دەرەككوزى ءبىزدىڭ ماتەريال بولعان. ءبىزدى وسى قىلمىستىق ءىس بويىنشا پوليتسيا قىزمەتكەرلەرىنىڭ جىلدامدىعى تاڭ قالدىردى. مۇنداي جىلدام رەاكتسيا ءىس جۇزىندە ءجيى بولا بەرمەيتىن قۇبىلىس.

وسىدان كەيىن استانا قالاسى پوليتسيا دەپارتامەنتىنىڭ جەدەل تەرگەۋ باسقارماسى 365info.kz جانە DALA INSIDE رەداكتسيا قىزمەتكەرلەرىنەن جاۋاپ الۋ ءۇشىن ولاردى الماتى مەن استانا قالاسىنان شاقىرا باستادى. باق تۋرالى زاڭنىڭ 20-بابىنا قاراماستان, تەرگەۋشىنىڭ نەگىزگى ماقساتى جۋرناليستەردى داۋلى قۇرىلىس كومپانياسى تۋرالى اقپاراتتى قاي دەرەككوزدەن العانىن اشۋعا ماجبۇرلەۋ بولدى.

قازىرگى ۋاقىتتا ءبىزدىڭ رەداكتسيامىزدىڭ جۋرناليستەرىن ءتىنتۋ, كەڭسە تەحنيكاسىن الىپ قويۋ جانە قاماۋعا الۋعا سانكتسيا بەرۋ قاۋپى بار. استانا قالالىق پوليتسيا دەپارتامەنتىنىڭ تەرگەۋ باسقارماسى ناقتى كۇدىكتىنىڭ جوقتىعىنا جانە ءبىزدىڭ اقپاراتتى جاريا ەتپەۋ تۋرالى ەش قۇجاتقا قول قويماعانىمىزعا قاراماستان, اتالعان ءىس تۋرالى اقپاراتتىڭ اشىلعانى ءۇشىن جاۋاپكەرشىلىك بولاتىنىن قايتا-قايتا ەسكەرتۋگە تىرىستى.

ءبىز ءوزىمىزدىڭ دۇرىستىعىمىزعا جانە اقپاراتىمىزدى بەرۋ تاسىلىنە سەنىمدىمىز. سوندىقتان سوتتا ءوز پوزيتسيامىزدى سوڭىنا دەيىن قورعايمىز جانە ادال, كاسىبي جۋرناليستيكا قۇقىق قورعاۋ ورگانىنىڭ بۇرىنعى قىزمەتكەرى, G-Park بيزنەسىن ۇستاۋشى ع.ساتماعامبەتوۆتىڭ امبيتسياسىنان, ونىڭ بايلانىستارىنان دا جوعارى ەكەنىن دالەلدەيمىز.

ول ءوز بيزنەسىنىڭ پروبلەمالارىنان الشاقتاپ شەتەلگە كەتتى دەگەن سوزگە رەنجىدى. ال بۇل قۇرىلىس كومپانياسىنا سەنگەن ۇلەسكەرلەرىنىڭ تاعدىرى قالاي بولماق? ءبىز ولاردىڭ زاڭدى قۇقىقتارى مەن مۇددەلەرىن قورعاي الامىز با? ءبىز بۇل سۇراقتارعا ارتىنان جاۋاپ الاتىن بولامىز. ويتكەنى ۇلەسكەرلەردىڭ ميتينگىلەرى مەن قۇرىلىسقا تىيىم سالىنعانىنا قاراماستان, ساتماعامبەتوۆ تۇراقتى تۇردە الەم بويىنشا ساياحاتتاۋدى جالعاستىرۋدا جانە كوپتەگەن ەلدەرگە بارىپ ۇلگەردى. وسىدان كەيىن, ول شەتەلدەن شىقپاسا, بيزنەستىڭ پروبلەمالارىنان الشاقتادى دەپ قالاي ايتا المايمىز?

ءوز كەزەگىندە Dalanews, DALA INSIDE جانە «قالا مەن دالا» گازەتىنىڭ قۇرىلتايشىسى ءوز جۇمىسىن اتقارعان رەداكتسيا جۋرناليستەرىن اياعىنا دەيىن قورعاۋعا نيەتتى.

ءبىز ء«ادىل ءسوز» حالىقارالىق ءسوز بوستاندىعىن قورعاۋ قورىنا جانە قازاقستان جۋرناليستەر وداعىنا جانە جوعارىدا اتالعان بارلىق لاۋازىمدى تۇلعالارعا جۇگىنەمىز جانە قۇرىلىس سەكتورىندا تۋىنداۋى مۇمكىن پروبلەمالاردىڭ الدىن الۋعا, قازاقستان حالقىنىڭ مۇددەسىن ءبىرىنشى كەزەككە قويا وتىرىپ جۇمىس ىستەپ جاتقان جۋرناليستەر مەن باق-قا قىسىم جاساۋ فاكتىسىنە نازار اۋدارۋدى سۇرايمىز. ءبىز قازىر عابيت ساتماعامبەتوۆ بيزنەسىندەگى بارلىق ىقتيمال بەنەفيتسيارلاردى اشۋ, قازاقستاننان زاڭسىز سىرتقا قارجى شىعارۋدىڭ ىقتيمال جولدارىن زەرتتەۋ, كومپانياداعى باعا قۇرىلىمى, قۇرىلىسقا رۇقسات بەرۋ قۇجاتتارى مەن جەر ۋچاسكەلەرىن الۋ راسىمدەرىنە قاتىستى زەرتتەۋ جۇمىسىمىزدى ودان ءارى جالعاستىرامىز.
قالاي بولعاندا دا, «G-Park» پەن DALA INSIDE اشىق سوتتا كەزدەسەدى.