“Dala qyrandary”: Astanada 2000 jas esirtkige qarsy sharada birikti

Astanada sıntetıkalyq esirtkini taratýshylarǵa qarsy buryn-sońdy bolmaǵan «Satqyndar» naýqany ótti. Mańyzdy sharaǵa eki myńnan astam jas jumylyp, qoǵamdyq indetke qarsy únin jetkizdi, – dep jazady qandastar.kz

Sharaǵa álemniń tórt dúrkin rekordshysy, Gınnes kitabynyń rekordshysy Sergeı ırýlnıkov, «REKAVERI-PAVLODAR» birlestiginiń koordınatory Sergeı Laptev, sondaı-aq «Dala Qyrandary» koordınatorlary – MMA boıynsha Álem chempıony jáne Astana qalasy Jastar máslıhatynyń depýtaty Vasılıı Tahtaı, Dúnıejúzilik boks serııasynyń (WCB) eki dúrkin álem chempıony Merbolat Toıytov pen qazaq kúresinen Álem chempıonatynyń júldegeri Nurǵalı Tursynǵazıev, Nurbol Seıitqalıevter qatysty.

Qozǵalysqa Shiza, HiRo jáne Yerbolat sııaqty tanymal reperler qoldaý tanytty. Resmı bólimnen keıin «Dala Qyrandary» jasaqtary Astananyń kóshelerin aralap, esirtki satýshylarǵa qarsy is-qımyldarǵa kómektesti.

-Esirtkige eltigen, kezekti doza izdegen talaı adam qaryzǵa batty, zań buzyp, qylmysqa uryndy. Tyǵyryqqa tirelip, ómirde basqa qyzyq-qumar tappaı, ózine qol salǵandar jeterlik. Prezıdent sondyqtanda Ulttyq quryltaıda da ultymyzǵa qaýip tóndiretin, jastardy qurdymǵa qulatatyn sıntetıkalyq esirtkimen kúresti kúsheıtýdi tapsyrǵan edi. “Dala qyrandary” jastar birlestigi shet qalmaı, ózekti shara ótkizdi. Barshaǵa ortaq maqsatymyz – ulttyń bolashaǵyna balta shabatyn keselmen kúresý, – dedi Vasılıı Tahtaı.

Statıstıkaǵa júginsek, esirtki óndirisi kúnnen kúnge ulǵaıyp barady. Eger 2019 jyly – 3, 2020 jyly – 8 zańsyz esirtki zerthanasy joıylsa, 2023 jyly olardyń sany birden 81-ge jetken. Bıyl elimizde 31 jasyryn esirtki laboratorııasy joıylǵan. Ýly zat tutynatyndardyń deni – jastar. Qynjyltatyny da sol.

-Esirtki saýdasy – bul óte paıdaly bıznes, sondyqtan onymen aınalysatyn adamdar moraldyq prınıpterge alańdamaıdy. Nashaqorlyqpen kúres memleket úshin basym mindetterdiń biri bolǵanyna qaramastan, bul indettiń tez taralýyn tejeý óte qıyn. Sonymen qatar esirtkiniń kez-kelgen “qaltaǵa” arnalǵan túrleri de tabylady. Biraq esirtkiniń túri men qunyna qaramastan, zardaby birdeı – tolyq “quldyraý”. Jastar budan aýlaq bolý kerek, – dedi Nurǵalı Tursynǵazıev.

Shynynda jastardyń osyndaı sharalarda birigip, máselege jiti nazar aýdarýyna yqpal jasaý kún tártibinen túspeýi tıis. Búgingi “Dala qyrandarynyń” bastamasy da osyny kózdedi jáne sol údeden shyqty dep aıta alamyz.