«دالا قىراندارى» سۋ تاسقىنىنان زارداپ شەككەندەرگە كومەكتەسۋدە

ءالى ەرىمەگەن قاردى تازالاپ, جاستار جەرگىلىكتى تۇرعىندارعا ۇيلەرىن ودان ءارى سۋ باسىپ كەتپەۋگە كومەكتەستى.

«ءبىز بۇگىن قويمانى تولتىرا باستادىق. بىزدە قازىر ۇن, سۇيىق ماي, ماتراستار بار. ەندى قاراقۇمىق پەن كۇرىش اكەلگەنىن كۇتىپ وتىرمىز. 10 كۇن بويى سۋ كەتپەيتىن اۋداندار دا بار, ولار جارىقسىز وتىر. وسى 3-5 كۇن بويى قاردىڭ ەرۋى بولسا, ول سۋ قانشا كۇن تۇرارى بەلگىسىز. ادامدار بولسا ءۇيسىز, كۇنكورىس قۇرالدارىنسىز… بىزدە 9 پۋنكت بار, وعان ادامدار ءبىرىنشى قاجەتتى زاتتاردى كوپ الىپ كەلىپ جاتىر. مىسالى, ازىق-ت ۇلىك, جىلىتاتىن زاتتار, كورپەلەر», — دەدى «دالا قىراندارىنىڭ» مۇشەلەرى.

جەرگىلىكتى «دالا قىراندارى» قوعامدىق ۇيىمىنىڭ مۇشەلەرى سۋ باسقان قوياندى اۋىلىنىڭ تۇرعىندارىنىڭ باسىنا تۇسكەن باقىتسىزدىققا بەي-جاي قاراعان جوق. قولدارىنا كۇرەك پەن رەزەڭكە ەتىك العان جاستار استانالىق كورشىلەرگە كومەكتەسۋ ءۇشىن قار تازالاۋعا كىرىستى.

ءالى ەرىمەگەن قاردى تازالاپ, جاستار جەرگىلىكتى تۇرعىندارعا ۇيلەرىن ودان ءارى سۋ باسىپ كەتپەۋگە كومەكتەستى. بۇل ىنتىماق پەن قولداۋ ارەكەتى زارداپ شەككەندەرگە كومەكتەسىپ قانا قويماي, قوعامداعى, اسىرەسە ەلىمىز ءۇشىن قيىن-قىستاۋ كەزەڭدە ءوزارا كومەك پەن بىرلىكتىڭ ماڭىزدىلىعىن اتاپ ءوتتى.

استاناداعى سۋ تاسقىنىنان زارداپ شەككەندەرگە گۋمانيتارلىق كومەكتى قابىلداۋ پۋنكتىندە «دالا قىراندارى» جاستار ۇيىمىنىڭ مۇشەلەرى كومەك كورسەتتى.

جاس بەلسەندىلەر كەلىپ تۇسكەن بارلىق قايىرىمدىلىقتاردى وراپ, ءارى قاراي ەلىمىزدىڭ سۋ باسقان ايماقتارىنا جەتكىزۋ ءۇشىن كولىكتەرگە تيەپ بەردى.

استانا قالاسى جاستار ساياساتى ماسەلەلەرى باسقارماسىنىڭ باسشىسى سامات يبراەۆ بۇل جۇمىستىڭ دەنە كۇشى مەن ۇيىمداستىرۋشىلىق قابىلەتىن قاجەت ەتەتىنىن ايتا كەلە, ۇيىم مۇشەلەرىنىڭ ەڭبەگىنە ريزاشىلىعىن ءبىلدىردى.

مۇنداي ارەكەتتەر قوعامىمىزداعى ىنتىماق پەن ءوزارا كومەكتىڭ ماڭىزدى ۇلگىسىنە اينالادى.

ەسكە سالساق, بۇعان دەيىن جەرگىلىكتى «دالا قىراندارى» قوعامدىق ۇيىمىنىڭ مۇشەلەرى قوياندى اۋىلىنىڭ تۇرعىندارىنا ءالى ەرىمەگەن قاردى تازالاۋعا كومەكتەسكەن بولاتىن.