«Dala Qyrandary» tasqynnan zardap shekkenderge kómek kórsetýde

Sharaǵa qatysýshylar eriktilerdiń jınaý ortalyǵy uıymdastyrylǵan Geıdar Álıev kóshesi, 14 mekenjaıyndaǵy birlestiktiń shtabynda jınaldy. Bul jerde qyrandar birneshe jasaqqa bólingennen keıin kent baǵytynda jolǵa shyqty.

Eske salsaq, «Dala Qyrandary» JQB naýryz aıynda Qoıandy aýylynyń turǵyndaryna kómekke kelgen bolatyn. Bizdiń qyrandar aýlalardy erip úlgermegen qardan tazartý arqyly jergilikti turǵyndardyń baspanalaryna qyzyl sýdyń kirýine jol bermedi. Al 3 sáýir kúni biz Astanadaǵy gýmanıtarlyq kómek jınaý núktesine kómektestik.

Bul joly qajetti zattardy satyp alýǵa kómektesýmen bólek, biz qaıyrymdy azamattar jibergen azyq-túlik jáne basqa da dúnıelerdi sol jerde túgendep, olardy elimizdiń sý basqan aýdandaryna odan ári tasymaldaý úshin kólikterge tıedik.