«Dala Qyrandary» jastar qoǵamdyq birlestigi Jibek Joly aýylynyń turǵyndaryna kómekke keldi.

10-ynan 11-inshi sáýirge qaraǵan túni «Dala Qyrandary» jastar qoǵamdyq birlestiginiń ókilderi Jibek Joly eldimekenindegi úıindi bógetterdi nyǵaıtý jumystaryn júrgizdi.

Atap aıtqanda, «Astana Arlan» komandasynda sapyndaǵy WCB Dúnıejúzilik boks serııasynyń Álem chempıony Meıirbolat Toıtov jáne Qazaq kuresi Assoıaııasynyń bas dırektory Damır Bekbosynovtyń basshylyǵymen Vıacheslav sý qoımasynyń janyndaǵy Jibek Joly kentine shuǵyl túrde jetken «Dala Qyrandary» JQB-niń birneshe jasaǵy aryny qatty aǵyn sýdy tejep turǵan bógetterdi nyǵaıtty.

Eske salsaq, «Dala Qyrandary» JQB naýryz aıynda Qoıandy aýylynyń turǵyndaryna kómekke kelgen bolatyn. Bizdiń qyrandar aýlalardy erip úlgermegen qardan tazartý arqyly jergilikti turǵyndardyń baspanalaryna qyzyl sýdyń kirýine jol bermedi. Al 3 sáýir kúni biz Astanadaǵy gýmanıtarlyq kómek jınaý núktesine kómektestik. Bul joly qajetti zattardy satyp alýǵa kómektesýmen bólek, biz qaıyrymdy azamattar jibergen azyq-túlik jáne basqa da dúnıelerdi sol jerde túgendep, olardy elimizdiń sý basqan aýdandaryna odan ári tasymaldaý úshin kólikterge tıedik. Osy aptada Taıtóbe aýylyna saıahat uıymdastyryp, onda da bógetterin bekittik.