Álem jańalyqtary

Adam saýdasy: Jan-Klod Van Dammǵa qatysty qylmystyq is qozǵaldy

Foto:Kınopoısk

Bul oqıǵa Rýmynııa prokýratýrasy 2020 jyly bastaǵan adam men kámeletke tolmaǵandardy saýdalaý isine qatysty tergeýdiń bir bóligi sanalady.

Belgııalyq akter Jan-Klod Van Damm Rýmynııada adam saýdasyna baılanysty bastalǵan keń aýqymdy tergeý aıasynda kúdikke ilindi. Bul týraly   Qandastar.kz CNN jáne Antena 3 telearnalary habarlady.

Rýmynııanyń uıymdasqan qylmys pen lańkestikke qarsy kúres basqarmasy (DIICOT) 64 jastaǵy akterge adam saýdasynyń qurbany bolǵan birneshe áıelmen seksýaldyq qarym-qatynasqa tústi degen aıyp taǵylyp otyr.

Tergeý derekterine sáıkes, Van Damm adam saýdasyna baılanysty kúdikke ilingen birneshe adammen kezdesken, olar oǵan «syılyq retinde» bes rýmyn modelimen jynystyq qatynasqa túsýdi usynǵan. Solardyń biri, modeldik agenttiktiń ıesi, rýmyn kásipkeri Morel Bolea degen boljam bar.

Oqıǵa Kann qalasynda bolǵany aıtylǵanymen, naqty ýaqyty kórsetilmegen. Jábirlenýshilerdiń biriniń advokaty Adrıan Kýkýlıstiń aıtýynsha, Kannda Jan-Klod Van Damm uıymdastyrǵan is-shara kezinde, Rýmynııada qylmystyq top qurdy jáne jeńgetaılyqpen aınalysty degen kúdikpen tergelip jatqan birneshe adam akterge fotomodel rýmyn áıelderin usynǵan.

«Ol áıelderdiń qandaı jaǵdaıda ekenin akter jaqsy bilgen», – dedi advokat Kýkýlıs.

Bul oqıǵa Rýmynııa prokýratýrasy 2020 jyly bastaǵan adam men kámeletke tolmaǵandardy saýdalaý isine qatysty tergeýdiń bir bóligi sanalady.

Bul oqıǵa Franııada bolǵandyqtan, Rýmynııa tarapy kúdiktilerdi shaqyrtý úshin Franııanyń Kassaııalyq sotynyń ruqsatyn alýǵa tıis.

Ilmekter

Osy aıdarda

Dobavıt kommentarıı

Close