دانا نۇرجىگىت: اسكەري شەرۋگە بلوگەر ەمەس, قاراپايىم حالىق بارۋ كەرەك ەدى

فوتو: اگىق دەرەككوز

تەلەجۇرگىزۋشى دانا نۇرجىگىت استانادا وتكەن اسكەري شەرۋدەگى جاعدايدى سىنعا الدى, دەپ حابارلايدى  qandastar.kz

تەلەجۇرگىزۋشىنىڭ سوزىنشە, ۇلى قانشا وتىنگەنمەن, شەرۋگە  اپارا الماعان.  سەبەبى, ول جەرگە كىرە الماي كەتەتىنىن انىق بىلگەن.

«اسكەر كوشىپ, شاڭ باسىلعانداعى ويلار.  وتان قورعاۋشىلار كۇنىنە وراي وتكىزىلگەن پارادقا كىرە المايتىنىمىزدى ءبىلدىم. ءبىر كۇن بۇرىن سول كوشەدە بالامىز ەكەۋمىز ءجۇرىپ, دايىنداپ قويعان تريبۋنالاردى, تىزىلگەن تەحنيكانى, اسكەريلەردى كورگەن ەدىم. ۇلىمنىڭ تۇلا بويىن ماقتانىش كەرنەپ, «مىناۋ ءبىزدىڭ اسكەر عوي, مام! ەرتەڭ پارادقا بارايىقشى!» دەپ ءوتىندى. بىراق مەن ەرتەڭ باراتىن بولساق, بۇل قۋانىشى سۋ سەپكەندەي باسىلاتىنىن ءبىلدىم. ويتكەنى, مەنى قويشى, تىل ارداگەرلەرىنىڭ ءوزىن مۇنداي كۇنى تورگە وزدىرمايتىنىن بىلگەنمىن. مىندەتتى تۇردە قاربالاستا ءبىر شيكىلىك شىعادى. جان جاق قورشالادى, قاۋىپسىزدىك شارالار كۇشەيتىلەدى. كىرە الماي ۇيگە قايتىپ كەلەسىڭ. شارشاپ. انانى ۇمىتقان, مىنانى تىزىمگە قوسپاعان دەگەن ۇيىمداستىرۋشىلىق قاتەلەر كوپ بولادى مۇندايدا»,  — دەپ جازدى جۋرناليست.

ول كەرىسىنشە شەرۋگە حالىقتىڭ كەلۋىنە مۇمكىندىك بەرىلۋ كەرەك ەكەندىگىن ايتىپ, ۇيىمداستىرۋشىلاردى سىناپ تاستادى. سوزىنشە, اسكەري پارادتى ادەمى ۆيدەودان قاراعاننان, كوزبەن كورگەن الدەقايدا اسەرلى, ءارى حالىقتى بىرىكتىرەدى, بارلىق ادام ءبىر كوڭىل كۇيدە بولادى. ەكس-سەناتور,  باتىرلار, تىڭ, ەڭبەك ارداگەرلەرى وتىراتىن ورىنعا بلوگەرلەردىڭ قاپتاپ وتىرۋىن دا سىنعا الدى.

«شىنداپ كەلگەندە وسىنداي سالتاناتتى شەرۋدى كوپشىلىك كورۋ كەرەك! ورتاسىندا ءجۇرۋ كەرەك! بۇل ساتتە بۇكىل حالىق ءبىر كۇيگە تۇسەدى, بىرلىكتىڭ نە ەكەنىن ۇعىنادى, سەزىنەدى. ال بالالار ءۇشىن بۇل وتە قاجەت سەزىم. بويىن وتانىنا دەگەن قۇرمەت, ازاماتتىق ماقتانىش كەرنەيدى. تاربيەلىك ءمانى زور شارانى اسقان ۇقىپتىلىقپەن, جاۋاپكەرشىلىكپەن ۇيىمداستىرۋ, ونىڭ ۆيدەو نۇسقاسىن جاساۋ ماڭىزدى ارينە. بىراق, ونىڭ بىرلىك, تاربيەلىك ءمانى دە ەسكەرۋسىز قالماسا دەيمىن. ال مەرەكە سوڭىندا تىل ارداگەرىنە تيەسىلى توردە بلوگەرلەردىڭ وتىرعانى انىقتالعانى ۇيات ەندى…شىن باتىرلار سولار عوي!», — دەپ جازدى دانا نۇرجىگىت.