Dana Nurjigit marqum Saltanat Núkenovaǵa arnap jazba jarııalady

Qýandyq Bıshimbaev pen Baqytjan Baıjanovqa qatysty apellıaııalyq sot otyrysy ótip jatyr,-dep habarlaıdy Qandastar.kz

“Sot úkimi kúshine enip, apellıaııalyq sottyń sheshimimen Bıshimbaevtyń jazasy jeńildetilmeıtin boldy. Kóktemde bul proess júrip jatqanda men bir aýyz sóz jazbadym. Pikir bildirmedim. Eshteńe. Birinshiden: sot proesi júrip jatqan kezde ol jumysqa kedergi keltirýge bolmaıdy dep esepteımin. Etıkalyq turǵydan solaı bolý kerek. Ekinshiden: sol kúnderi, dál sol ǵımaratta jabyq esik jaǵdaıynda men qozǵaǵan qylmystyq is te qaralyp jatty. Bıshimbaevtyń Saltanat jaıly aıtqan sózderindeı byqsyq áńgime quddy bir senarıstiń qolynan shyqqandaı meniń proesimde de maǵan qarata da aıtylyp jatty. Meniń mundaı psıhologııalyq-moraldyq qysymnan nege synyp ketpegenimniń bir sebebi: men ómir kórgen adammyn, meniń balam bar. Maǵan bosańsýǵa bolmaıtyn, kúresip, toıtarys berýden basqa jol joq ekenin túsingenim. Ońaı bolǵan joq”, – dep jazdy jýrnalıst.

“Saltanat jas, “áli-aq úı bolyp ketermiz, qoıatyn shyǵar…”degen úmitpen óziniń jeke shekarasyn bosańsytyp, abıýzerdiń tolyq baqylaýyna túskenin, erik, jigerinen aıyrylyp jatqanyn, baıaǵy Saltanattyń tiri ólikke aınalyp bara jatqanyn ańǵarmaı qaldy. Bıshimbaev sııaqtylar adamdy aldymen tulǵa retinde joq qylýǵa tyrysady. Bolmysyn mansuq etip, janyn piskilep, qanyn tespeı soryp aıaǵynda óltirip tynady. Saltanatty bir jylǵa jetkizbeı dál solaı syndyryp baryp,aqyry janyn aldy. Qyzdar, qurbylar,esterińizde bolsyn! Eshqashan ózgermeıdi. Onyń sizge jany ashymaıdy. Ol ózine syrt kóz bola almaıdy. О́zińizdi aldamańyzdar!

Sol kúnderi sot ǵımaratynyń dálizinde Saltanattyń ákesimen jolyǵyp qaldym. Ol kisi meni tanyǵandaı kórindi maǵan. Aýyr demalyp, beti bop-boz bolyp tur eken. Ornymnan turyp, “ Alla qýat bersin Sizge, aǵa! Qaıǵyńyzǵa ortaqpyn. Bekem bolyńyz!” degennen basqa sóz tappadym. Ol kisi basyn ızedi de sot zalyna qaraı júrip ketti. Netken aýyr synaq edi!”, – dep jazdy jýrnalıst.