Dana Ormanbaeva taǵy málimdeme jasady

foto:  exclusive.kz

Taıaýda ústinen ultaralyq arazdyqty órshitý faktisi boıynsha qylmystyq is qozǵalyp, halyqaralyq izdeý jarııalanǵan jýrnalıst Dana Ormanbaeva málimdeme jasady, dep habarlaıdy qandastar.kz aqparat portaly.

Bul týraly Facebook jelisindegi paraqshasynda jazdy.

«Myna usaq-túıek sarsańǵa túskender meniń ózimdi menen tartyp alǵysy keletin sııaqty.

Qalaı elestetip otyrsyzdar, «jaqsy» myrzalar men hanymdar?

Sizder jeńiske jetemiz dep oılaısyzdar ma? Qalaı?

Atymdy tartyp alamyn deısizder me?

Ol eshqashan da múmkin emes. Taǵy neni tartyp alǵylaryń keledi? Meniń kásibimdi, tájirıbemdi me?

Bizdiń jobalarymyz áldeqashan halyqaralyq deńgeıde damyp, álemde moıyndalǵan. Ári qaraı ne? Bedelimdi me? Meniń bedelim – sanaly adamdar arasynda.

Aqyl-oıy ashyq, basty men qosymshany aıyra alatyn, urpaǵyna ishki baılyq pen meıirimdi júrek qaldyrýdy maqsat etetin jandardyń aldynda meniń óz ornym bar.

Qarym-qatynasymdy, ortamdy tartyp alamyn deısizder me?

Meniń janymda súıikti jarym, ǵajap balalarym, qaınar bulaqtaı taza shynaıy dostarym bar.

Meniń álemimde qarabetterge, ekijúzdiler men qorqaqtarǵa oryn joq. Bul jaǵynan da qoldaryńnan eshteńe kelmeıdi.

Maǵan senetin, bul sumdyq ótirikke emes, aqıqatqa qulaq asatyn, meniń qasymda qalatyn barlyq jandarǵa alǵysym sheksiz!», — dep jazdy Dana Ormanbaeva.

Eske salsaq, Almaty polıııa departamentiniń tergeý basqarmasy Dana Ormanbaeva qatysty ultaralyq arazdyqty qozdyrý faktisi boıynsha qylmystyq isti tergep jatyr.