دانيار اشىمباەۆ: مەملەكەت تاۋەلسىز ساراپتامالارعا دا ءمان بەرۋ كەرەك

قازاقستان رەسپۋبليكاسىنىڭ پرەزيدەنتى جانىنداعى قسزي حابارلاۋىنشا, قازاقستاندىقتاردىڭ 77%-دان استامى پرەزيدەنتكە سەنىم ارتادى, دەپ حابارلايدى Qandastar.kz قازاقستاندىق ساياساتتانۋشى دانيار اشىمباەۆتىڭ تەلەگرامم ارناسىنا سىلتەمە جاساپ.

“بارلىعى ءجون, بىراق مەنىڭ ويىمشا, مۇنداي مالىمەتتەردى پرەزيدەنتكە باعىنىشتى قۇرىلىمداردا جاريالاۋ زەرتتەۋدىڭ وبەكتيۆتىلىگىن تۇسىرەدى.

بۇل قازىرگى كەزدە ءجيى ورىن الىپ جۇرگەن E-gov پورتالى ارقىلى الەۋمەتتىك سۇراۋ سالۋلارعا دا قاتىستى. سايتتاعى ساۋالناما ارقىلى جاۋابى تابىلمايتىن الەۋمەتتانۋلىق زەرتتەۋ جۇرگىزۋدىڭ بەلگىلى ءبىر كريتەريلەرى بارىن ەسكەرگەن دۇرىس. سونىمەن قاتار ماتەريالداردى جاريالاۋ مەملەكەتتىك ورگانداردان كەلەدى, بۇل تيىمدىلىكتى ودان ءارى تۇسىرەدى.

جالپى, مەملەكەتىمىز تاۋەلسىز ساۋالنامالاردان قورىقپاۋ كەرەك”, — دەپ ءبولىستى ساياساتتانۋشى.