Danııar Áshimbaev: Memleket táýelsiz saraptamalarǵa da mán berý kerek

Qazaqstan Respýblıkasynyń Prezıdenti janyndaǵy QSZI habarlaýynsha, qazaqstandyqtardyń 77%-dan astamy prezıdentke senim artady, dep habarlaıdy Qandastar.kz qazaqstandyq saıasattanýshy Danııar Áshimbaevtyń telegramm arnasyna silteme jasap.

“Barlyǵy jón, biraq meniń oıymsha, mundaı málimetterdi Prezıdentke baǵynyshty qurylymdarda jarııalaý zertteýdiń obektıvtiligin túsiredi.

Bul qazirgi kezde jıi oryn alyp júrgen E-gov portaly arqyly áleýmettik suraý salýlarǵa da qatysty. Saıttaǵy saýalnama arqyly jaýaby tabylmaıtyn áleýmettanýlyq zertteý júrgizýdiń belgili bir krıterııleri baryn eskergen durys. Sonymen qatar materıaldardy jarııalaý memlekettik organdardan keledi, bul tıimdilikti odan ári túsiredi.

Jalpy, memleketimiz táýelsiz saýalnamalardan qoryqpaý kerek”, — dep bólisti saıasattanýshy.