Danııar Eleýsinov AQSh-ta judyryqtasady

Foto: AShYQ DEREKKО́Z

Qazaqstandyq kásipqoı boksshy qazir Pıttsbýrg qalasy mańynda bilikti bapker Tom Iankellonyń zalynda daıyndalyp jatyr. Ol 19 shilde kúni Vashıngton qalasynda ótetin jekpe-jek keshine qatyspaq. Ázirge qarsylasynyń esimi jarııalanǵan joq, dep jazady qandastar.kz

Danııar Eleýsinov sońǵy ret 2023 jyldyń qyrkúıeginde sharshy alańǵa shyqty. Almaty qalasynda fılıppındik Djo Noınaıdy nokaýtpen jeńgen bolatyn. Odan keıin bıyl aqpanda Astanadaǵy boks keshinde judyryqtasýy kerek edi. Alaıda All stars boxing promoýterlik kompanııasy Olımpıada chempıonyn jarnama taqtashalary men bıletter satylymynda paıdalanyp, birer kún qalǵanda Danııar sharshy alańǵa shyqpaıtynyn jarııalady.

Aıta keteıik, Danııar búginge deıin kásipqoı rıngte 12 kezdesý ótkizip, 12-sinde de jeńiske jetti. Onyń jeteýin ýaqytynan buryn aıaqtady.