Dárethanadan tabylǵan úsh jasar Asylymnyń kisi qolynan qaza tapqany anyqtaldy

Foto: ashyq derekkóz

Úsh jasar Asylymnyń kisi qolynan qaza tapqany belgili boldy, – dep habarlaıdy qandastar.kz.

Jýrnalıst Gúlmıra Ábiqaı paraqshasynda Túrkistan oblysy, Sirgeli aýylynyń turǵyny Asylymdy kórshi turatyn 16 jastaǵy jasóspirim qyz býyndyryp, óltirip, tepkilep dárethanaǵa tastaǵanyn jazdy.

“Osy aýylda shilde aıynda taǵy bul jaıt qaıtalanǵan. 5 jasar Nuraı esimdi qyzdy da kúdikti tistep, uryp, dárethanaǵa tastamaqshy bolǵan. Abyroı bolǵanda kórshisi kórip, aman saqtap qalǵan. Sol sátte ol Asylymdy óltirgenin moıyndaǵan, kúdiktiniń densaýlyǵynda aqaý bolýy múmkin”, – dep jazady G.Ábiqaı.

Qazir tergeý jalǵasýda, is sot qaraýynda. Biraq buǵan deıin quqyq qorǵaý organdarynyń qalaı jumys júrgizgeni, sot medıınalyq saraptamanyń qalaı qorytyndysy shyqqany kúmán týdyratynyn aıtady jýrnalıst.

Eske salsaq, Sirgeli aýylynda úsh jasar Asylymnyń 16 mamyrda joǵalyp ketkeni týraly aqparat tarady. Ata-anasysynyń aıtýynsha, úı tirligimen júrgende tańǵy saǵat 9:00 shamasynda búldirshin esik aldyndaǵy qaqpa aldynda oınap júrgen. Sodan keıin iz-túzsiz joǵalyp ketken.

Túrkistan oblysy polıııa departamenti krımınaldyq polıııa basqarmasy men Saryaǵash aýdandyq polıııa bólimi jedel-izdestirý is-sharalary barysynda Asylymnyń denesi kórshi úıdiń dárethanasynan tabylǵanyn, kishkentaı qyzdyń denesinde zorlyq-zombylyq belgileri bolmaǵanyn habarlaǵan edi.