«Dári ishkeni úshin urǵan»: Áskerde soqqyǵa jyǵylyp, komaǵa túsken sarbazdyń isi boıynsha sot bastaldy

Foto: jeke qorynan

Almaty garnızony áskerı sotynda áskerı boryshyn ótep júrip komaǵa túsken qostanaılyq Nurjigit Ábdilpattaǵa qatysty alǵashqy sot otyrysy ótti. Bul týraly qandastar.kz  Stan.kz aqparat agenttigine silteme jasap habarlaıdy.

Oqıǵa 2024 jyldyń maýsym aıynda Otardaǵy áskerı bólimde bolǵan. Aıyptaýshy taraptyń aıtýynsha, jigitke álimjettik kórsetilgen.

Sot jábirlenýshiniń, sondaı-aq kýágerler, Nurjigittiń tórt áriptesi men ákesi Tımýr Janalınniń aıǵaqtaryn tyńdady.

Buǵan deıin prezıdenttiń baspasóz hatshysy Berik Ýálı balanyń ata-anasynyń vıdeo úndeýinen keıin prezıdent Qasym-Jomart Toqaev isti tekserýdi tapsyrǵanyn málimdegen edi.

Jábirlenýshi ózin kishi serjant Dastan Turlannyń sapta turǵan kezinde tamaq dárisin qoldanǵany úshin asqazan tusynan urǵanyn aıtty.

«Serjant baıqamaıdy dep úmitpen, dárini tamaǵyma shashyp jiberdim. Bizdi áskerı bólimge aparar aldynda voenkomatta túnep, azdap salqyn tıgizip alǵan edim. Biraq Turlan muny baıqap qalyp, ishimniń oń jaǵynan urdy, meniń tynysym taryla bastady», – deıdi jábirlenýshi.

Sonymen qatar serjant sarbazdy qatarlastarynyń kózinshe balaǵattap, kópshilik aldynda masqaralaǵan. Jáıýirlenýshi bul oqıǵadan keıin ózin uzaq ýaqyt óte nashar sezingenin aıtty, sarbazda bas aınalý, murynnan jıi qan ketý, júrek aıný jáne tábetiniń joǵalýy bastalǵan.

«Bir kúni men ashanada aýyra bastadym. Dárethanaǵa júgirip baryp, qustym, sodan keıin áriptesterim meni medıınalyq bólimshege apardy. Sol jerden meni aýrýhanaǵa jiberdi. Odan keıin eshnárse esimde joq, tek Qordaıdaǵy aýrýhananyń jansaqtaý bóliminde oıanǵanymdy bilemin», – deıdi Nurjigit.

Sotqa kýáger retinde jábirlenýshi sarbazdyń ákesi Tımýr Janalın de keldi. Onyń aıtýynsha, áıeline áskerı bólimnen telefon soǵyp, Nurjigittiń Qordaıdaǵy aýrýhanada jatqany habarlanǵan, ol kezde uldaryńyzda bári jaqsy, alańdaýǵa negiz joq dep sendirdi. Alaıda birneshe saǵattan keıin olar qaıta telefon soǵyp, sarbazdyń jaǵdaıy óte aýyr ekenin aıtqan.

Jábirlenýshiniń ákesi áıeli ekeýi aýrýhanaǵa balasyn kórýge kelgende, olardy uzaq ýaqyt bólmege kirgizbegenin aıtty. Sonymen qatar Nurjigit komada jatqanda ákesi ony óz betinshe tekserip, Nurjigittiń ishiniń kógergenin anyqtaǵan. Muny alǵashqy sot-medıınalyq saraptamasyn júrgizgen sarapshy da rastady. Saraptamany buǵan deıin Saltanat Núkenovanyń ólimine qatysty atyshýly is boıynsha sot otyrysynda sóz sóılegen belgili Tahır Halımnazarov júrgizgen.

Jábirlenýshi serjanttyń soqqysynan aýyryp qalǵanyn sońǵy sátke deıin áskerı bólimde eshkimge aıtpaǵanyn da atap ótti. Onyń aıtýynsha, ol býllıngten qorqyp, sondyqtan bolǵan oqıǵa týraly eshkimge aıtqysy kelmegen.

Sarbaz sotta klınıkalyq ólimdi bastan ótkergenin aıtty. Onyń ústine Qostanaıda ata-anasynyń baqylaýynda bir aıǵa jýyq úıde bolyp, tek múgedekter arbasy arqyly ǵana qozǵalǵan.

Eske salsaq, Jambyl oblysynda «Ońtústik» óńirlik qolbasshylyǵynyń sarbazy Qordaı aýdandyq ortalyq aýrýhanasynyń jansaqtaý bólimine túskeni týraly jazǵan edik. Qorǵanys mınıstrligi sarbazǵa jasalǵan zorlyq-zombylyq faktisin rastady.