«Dárigerler aqshany ómir boıy alǵan, ala beredi»: Taldyqorǵan onkologııalyq ortalyq qyzmetkeriniń para alǵanyn moıyndaǵan vıdeosy tarady

Foto: ashyq derekkóz

Taldyqorǵandaǵy kópsalaly onkologııalyq dıspanserdiń bólim meńgerýshisi Merýert Nuraqynqyzy para alǵanyn moıyndaǵan vıdeosy jelide tarady. Aýrýhanadan májbúrli túrde ketken burynǵy qyzmetkeri Áıgerim Talǵatqyzynyń aıtýynsha, meńgerýshi emdelýshiler men olardyń týystarynan para alyp, 4-satydaǵy naýqastarǵa esh paıdasy joq dárilerdi satqan kórinedi. Bul týraly  qandastar.kz  Stan.kz aqparat agenttigine silteme jasap habarlaıdy.

Aýrýhananyń burynǵy qyzmetkeri Áıgerim Talǵatqyzynyń jumystan shyǵýyna onkologııalyq aýrýhananyń ákimshiligi tarapynan qysym kórsetýi sebep bolǵan. О́ıtkeni Áıgerim bólim meńgerýshisi Arapovaǵa qarsy aıǵaqtary baryn aıtqannan keıin aýrýhana dırektory, kerisinshe, oǵan jala japqan. Sodan keıin jaǵdaıdy vıdeoǵa túsirýge tyrysqan ony dırektor kópshilik aldynda qorlap, agressıvti túrde telefonyn tartyp alǵan kórinedi. Artynsha Áıgerimniń jeke málimetterin qarap, sońynda jumystan shyǵarǵan.

«Men onyń sybaılas jemqorlyq áreketteriniń kýási boldym jáne bul týraly onkologııa dırektory О́mirbaev M.A. men dırektordyń orynbasary Dáýran Tursynqululyna aıttym. Biraq olar, kerisinshe, meni aıyptap, bólim meńgerýshisi Merýert Arapovany jaqtap, qoldaý kórsete bastady», – dedi burynǵy dáriger.

Budan qaldy bólim meńgerýshisi naýqastarǵa dıagnozǵa saı emes dári-dármekterdi satyp alýǵa májbúrlepti.

Sonymen qatar bul másele tek Arapovaǵa emes, basqa da dárigerlerge qatysty ekenin atap ótti. Ol paıentterdi mundaı dárigerlerden qorǵaý úshin vıdeo jarııalaǵan. Vıdeoda bólim meńgerýshisiniń Áıgerimniń qurbysyna WhatsApp jelisinde jibergen aýdıojazbasy shyqqan. Alaıda jazbada Arapovanyń aıtýynsha, oǵan qyzmetkerdiń ishki alaýyzdyǵy bar eken.

«Oǵan jumystan shyǵý týraly emes, túsinikteme jazyńdar dep aıttym. Qalaýlaryń bolsa, shyǵa berińder dedim. Jaraıdy, ol jyndymen jyndy bolamyn ba? Para alasyń degenine ashýym kelip tur. Parany dárigerler ómir boıy alǵan, ala beredi. Seniń qurbyń, Áıgerim… Ishi jarylaıyn dep júr ǵoı. Maǵan elder «para» beredi. Sony kóre almaı júr. О́zine para bermeıdi. Sodan keıin ishi tarylyp júr. Eshkimnen aqsha suramaımyn. Surasa ala beremin. Sony túsindirshi qurbyńa. Jańa ǵana Jakıbaevtyń áıeli maǵan kelip, qaltama saldy. Týra sol kezde onyń kózi janyp, sharasynan shyǵyp kete jazdady. Ol meni qyzǵanady», – dedi bólim meńgerýshisi vıdeoda.

Áıgerim óziniń jarııalanymynan keıin aýrýhana dırektory Arapova M.N-nyń jumystan shyǵarylýyn talqylaıtyn tártiptik keńes shaqyrǵanyn aıtty. Ol prokýratýra men sybaılas jemqorlyqqa qarsy organdardy aýrýhana ákimshiligine qarsy shara qoldanýǵa shaqyrady. Áıgerimniń quqyq qorǵaý organdaryna qoıǵan talaptary – jemqorlyq pen qysym kórsetýde kináli dep esepteıtinderdi jaýapqa tartý.

Redakııa Taldyqorǵandaǵy oblystyq onkologııalyq ortalyqtan jaǵdaıdyń egjeı-tegjeıin surap kórdi.

«Instagramdaǵy «krisp.tdk» áleýmettik jelisinde jarııalanǵan aqparatqa qatysty oblystyq kópsalaly emhana bylaı dep habarlaıdy. Bul is boıynsha qyzmettik tekserý júrgizilip jatyr. Nátıjesi keıinirek belgili bolady», – delingen jaýapta.