دارىگەرلەر ليفتىدەگى بالانىڭ جاعدايىن باياندادى

فوتو: استانا قالالىق دەنساۋلىق ساقتاۋ باسقارماسى

استانادا ليفتەگى پىشاق شابۋىلى كەزىندە پىشاق جاراقاتىن العان 5 جاسار بالانىڭ جاعدايى تۋرالى دارىگەرلەر ايتىپ بەردى, دەپ جازدى qandastar.kz

بەس جاسار بالا ەلورداداعى №2 قالالىق كوپسالالى بالالار اۋرۋحاناسىنىڭ جاق-بەت حيرۋرگياسى بولىمىنە جاتقىزىلدى. شابۋىلدىڭ ناتيجەسىندە بالانىڭ بەتىنىڭ جۇمساق تىندەرىندە جاراقاتتار پايدا بولعان.

«قازىرگى ۋاقىتتا بالانىڭ جاعدايى تۇراقتى, ورتاشا اۋىرلىقتا. ول بارلىق قاجەتتى ەم-دومدى تولىق كولەمدە الىپ جاتىر», – دەپ حابارلادى قالالىق دەنساۋلىق ساقتاۋ باسقارماسىنىڭ وكىلى.

بالاعا وتا جاسالعان, حيرۋرگتار قان كەتۋدى توقتاتۋ ءۇشىن تامىرلارىدى بايلاعان. وپەراتسيادان كەيىن بالانىڭ جاعدايى تۇراقتى.

№2 قالالىق كوپ بەيىندى بالالار اۋرۋحاناسى» مكقك جاق-بەت حيرۋرگياسى ءبولىمىنىڭ مەڭگەرۋشىسى يۋسۋپ عۇسەيىنوۆتىڭ ايتۋىنشا, بالانىڭ دەنەسىندە ءتورت پىشاق جاراقاتى بولعان.

«بالا اۋىر جاعدايدا ءتۇستى, جاراقاتتاردىڭ ەڭ تەرەڭى سول جاقتاعى قۇلاق ايماعىنا جاقىن جەردە. ومىرىنە قاۋىپ تونگەن, سەبەبى بالا كوپ قان جوعالتقان. قازىر جاعدايى تۇراقتى, بىراق تولىق ەمدەلىپ شىعۋ ءۇشىن ۋاقىت قاجەت», – دەپ ءتۇسىندىردى دارىگەر.

جابىرلەنۋشىگە بارلىق قاجەتتى مەديتسينالىق كومەك جانە مامانداردىڭ كەڭەستەرى تولىق كولەمدە كورسەتىلەدى. قازىرگى ۋاقىتتا بالانىڭ ومىرىنە قاۋىپ جوق.