«Dastan salǵan izben»: Eýropalyq klýbtar «Qaırat» komandasynyń taǵy bir oıynshysyna qyzyǵýshylyq tanytty

«Qaırat» fýtbol klýby jáne Qazaqstan jasóspirimder quramasynyń shabýylshysy Ismaıl Bekbolat jazǵy transfer maýsymynda sheteldik klýb sapyna aýysyý múmkin, dep habarlaıdy qandastar.kz Vesti.kz-ke silteme jasap.

Bekbolat bıylǵy maýsymdy sátti bastap, U-17 quramasynda da, klýb sapynda ózin jaqsy qyrynan kórsetti. Ismaıl Eýropa men Reseı skaýttarynyń iriktelgen tizimine byltyr ilingen bolatyn, búginde Reseı men Eýropanyń birneshe klýbynan qyzyǵýshylyq tanytqany belgili boldy.

17 jastaǵy fýtbolshy «Qaırattyń» negizgi quramasy sapynda oınap úlgerdi. Bıylǵy chempıonatta ol 5 kezdesýge qatysty. Sonymen qatar, ol Birinshi lıgada oınaıtyn «Qaırat-Jastar» komandasy sapynda úsh kezdesýde oıynǵa aralasty.

Ismaıl jasóspirimder arasyndaǵy Eýropa chempıonatyna irikteý kezinde ótken oıyndarda da kózge túsken bolatyn. Grýzııaǵa qarsy oıynda 1 gol soqsa, Lıtvaǵa qarsy kezdesýde het-trık jasady.

Eske sala keteıik, «Qaırat» klýbynyń túlegi Dastan Sátpaev áıgili «Chelsı» klýbyna aýysady. 16 jastaǵy oıynshy 2026 jyldyń jazynda kámelettik jasqa tolǵan soń resmı túrde aǵylshyn komandasyna qosylady. Ol ýaqytqa deıin Dastan Sátpaev «Qaırat» sapynda óner kórsetedi.