داستان ساتباەۆتىڭ «چەلسي» كلۋبىنداعى تابىسى قانشا?

فوتو: ينستاگرام

16 جاستاعى قازاقستاندىق فۋتبولشى داستان ساتباەۆ رەسمي تۇردە لوندوننىڭ «چەلسي» فۋتبول كومانداسىنىڭ قۇرامىنا كىردى. ول قازاق فۋتبولى تاريحىنداعى ەڭ قىمبات ويىنشى اتاندى, دەپ حابارلايدى qandastar.kz.

اقپاراتقا سايكەس, مامىلە قۇنى 4,3 ميلليون ەۋرو بولدى. ال كەلىسىمشارت ويىنشىعا ايىنا 14 مىڭ فۋنت (شامامەن 8,7 ميلليون تەڭگە) جالاقى تولەۋگە كەپىلدىك بەردى.

كەلىسىمشارتتا ويىنشىنىڭ جالاقىسى اتا-اناسىنا جىبەرىلەتىنى, ال داستاننىڭ ءوزى بۇل قاراجاتقا 22 جاسقا تولعاندا عانا قول جەتكىزەتىنى جازىلعان.