جاڭالىقتار
«داستارحاننىڭ ۇستىندە»: ۇلىنىڭ تۇساۋىن كەسكەن تورەعالي تورەالى سىنعا قالدى
ءانشى تورەعالي تورەالى ەكىنشى ۇلىنىڭ تۇساۋىن پروديۋسەرى جان مۇقانوۆقا كەستىردى. بۇل تۋرالى جۋرناليست ايگۇل مۇكەي ءمالىم ەتتى, دەپ حابارلادى Qandastar.kz.
«اللانىڭ قالاۋىمەن كەنجە بالامنىڭ تۇساۋىن كەستىرەمىز. تولقىن ەكەۋمىز ونى ءبىراۋىزدان جان مىرزاعا كەستىرەمىز دەپ نيەت قىلعان ەدىك. جاعىمپازدىق بويىمىزدا, قانىشەرلىك قانىمىزدا جوق», — دەدى ءانشى ۆيدەودا.
ونەر يەسىنىڭ بالاسى ءراسىم كەزىندە ميكروفوندى تاڭدادى.
جەلى قولدانۋشىلاردىڭ ءبىرى اق تىلەكتەرىن جازسا, ءبىرى داستارحاننىڭ ۇستىنە كەسكەنىنە تاڭدانىس ءبىلدىرىپ, سىنادى.
«تاماق ىشەتىن ۇستەلدىڭ ۇستىنە تۇساۋ كەسكەندە ءبىرىنشى رەت كورۋىم. ادامدار ويىنا كەلگەنىن ىستەيتىن بولدى عوي», « ۇلىڭىزدىڭ قادامى قۇتتى بولسىن», «و زاماندا بۇ زامان داستارحاننىڭ ۇستىنە تۇساۋ كەسۋ قالاي كەتتى. ۇلكەن كىسىلەر نە قاراپ تۇر?!», «تۇساۋىن ءبىرجولاتا باستارىڭا وتىرعىزىپ, كەسپەدىڭدەر مە?!», «جارايسىڭ, اكەڭ سياقتى تاماشا ءانشى بول!», «اياعىنان نىق باسىپ, ءومىردى نىق قاداممەن باسىپ ءجۇرسىن», — دەپ جازدى ولار.
