Daýdan basy arylmaǵan Pavlodar qalasynyń burynǵy ákimi endi Kókshetaýdy basqarady

 Aqmola oblysy ákiminiń keńesshisi Ánýar Kúmpekeev Kókshetaý qalasynyń ákimi bolyp taǵaıyndaldy, dep habarlaıdy qandastar.kz Orda.kz-ke silteme jasap.

«Aqmola oblysy ákiminiń 2024 jylǵy 9 qarashadaǵy ókimimen Qazaqstan Respýblıkasy Prezıdenti Ákimshiliginiń jáne qalalyq máslıhattyń kelisimimen Ánýar Qaıyrgeldiuly Kúmpekeev oblys ákimi bolyp taǵaıyndaldy» dep habarlaıdy Aqordanyń baspasóz qyzmeti.

Kúmpekeev qyzmetke taǵaıyndalǵanǵa deıin Aqmola oblysy ákiminiń keńesshisi qyzmetin atqaryp, turǵyn úı-kommýnaldyq sharýashylyq máselelerimen aınalysqan.

Buǵan deıin 2015-2018 jyldar aralyǵynda Kúmpekeev Stepnogorsk qalasynyń ákimi qyzmetin atqarǵan, keıin Pavlodar qalasynyń ákimi bolyp taǵaıyndaldy. Pavlodar ákimi retinde sheneýnik páter alyp, onymen qoımaı, oǵan qymbat jıhaz satyp alýdy josparlaǵany úshin qatań sógis alǵan bolatyn.

2019 jyly Pavlodar oblysynyń basshysy onyń jumysyn synǵa alyp, shyǵyndardaǵy zańsyzdyqtar men tapsyrystardy oryndamaǵanyn alǵa tartty, sodan keıin Kúmpekeev óz erkimen qyzmetinen ketken edi.

Kúmpekeev sońǵy taǵaıyndalǵanǵa deıin «Transtelekom» AQ basqarma tóraǵasynyń orynbasary qyzmetin atqardy.