Dáýlet Muqaev «Ulttyq kıim» kúnin bekitýdi usyndy

«Ulttyq kıim – ultymyzdyń ulylyǵyn ulyqtaıtyn, ulttyq kodymyzdy bildiretin aıshyqty kórsetkish. Ulttyq kıimderimizdiń mol murasymen maqtana alatyndaı elmiz. Áleýmettik jelide Qytaıda qazaq jigitiniń ulttyq kıimmen kóshede júrip eldiń nazaryna túsken vıdeosy 5 mıllıonǵa jýyq qaralym jınap, halyqtyń ystyq yqylasyna bólengen. Elde ulttyq kıimdi nasıhattaý tek bir rettik chellendjder men akııalarmen ǵana ulyqtalýda», — dedi depýtat.