جاڭالىقتار
داۋلەت تۇرلىحانوۆ كۇرەس فەدەراتسياسىنان كەتتى
فوتو: اشىق دەرەككوز
بۇگىننەن باستاپ داۋلەت تۇرلىحانوۆ ازيا كۇرەس فەدەراتسياسىنىڭ (UWW Azia) پرەزيدەنتى ەمەس, دەپ حابارلادى qandastar.kz
«2017 جىلى نيۋ-دەليدەگى ازيا چەمپيوناتىندا داۋلەت اعا پرەزيدەنت بولىپ سايلانعاندا ءوزىم سول جەردە بولىپ, بارلىق قازاق قۋانىپ, قۇتتىقتاعانىمىز ەسىمدە. ءتىپتى, از ۋاقىت ازيا كۇرەس فەدەراتسياسىندا جۇمىس ىستەگەنىم دە بار. وسى جەڭىس ءبىز ءۇشىن وتاندىق كۇرەستەگى ءبىر وزگەرىسكە, سەرپىلىسكە ءۇمىت سىيلاعانداي بولعان ەدى. ودان بەرى داۋلەت تۇرلىحانوۆ ەكى مەرزىم (8 جىل) وسى قىزمەتتى اتقاردى. بۇگىن اممانداعى (يوردانيا) ازيا چەمپيوناتى باستالاردا باس اسسامبلەيا ءوتىپ, جاڭا پرەزيدەنت سايلاندى.
يوردانيالىق مۇحاممەد ءال-اۋامالا 38 ەلدەن رەكوردتىق 34 داۋىسقا يە بولىپ, 2028 جىلعا دەيىن وسى ورىنعا جايعاستى. ءال-اۋامالا تۋرالى كوپ دەرەك جوق, تەك يوردانيا كۇرەس فەدەراتسياسىنىڭ پرەزيدەنتى ەكەنى بەلگىلى. دەسەك تە, كۇرەسى, جالپى سپورتى قاتتى دامىماعان ەل رەتىندە يوردانيا, جالپى اراب ەلدەرى ءۇشىن بۇل ۇلكەن جەڭىس ەكەنى انىق», — دەيدى نازەركە سۇلتانبەك.
ايتا كەتەيىك, داۋلەت تۇرلىحانوۆ قازىرگى ۋاقىتتا قازاقستاننىڭ گرەك-ريم, ەركىن جانە ايەلدەر كۇرەسى فەدەراتسياسىنىڭ پرەزيدەنتى, سونداي-اق ءماجىلىس دەپۋتاتى.
