داۋلەت تۇرلىحانوۆ: ۇلىم ۇيىقتاي الماي ءجۇر, دەنساۋلىعىنا الاڭدايمىن

فوتو: اشىق دەرەككوزدەردەن

ءماجىلىس دەپۋتاتى داۋلەت تۇرلىحانوۆ پروباتسيالىق ءتارتىپتى بۇزىپ, تويدا كورىنگەن ۇلى نۇراسىل بولاتتى قورعاپ سويلەدى, دەپ حابارلايدى    qandastar.kz   Qaz365.kz-كە سىلتەمە جاساپ. 

«قاي اكە بالاسى جامان بولسىن دەپ تاربيەلەيدى. قولدان كەلگەنشە تاربيە بەردىك. بالا بىراق جاقسى. بىراق نە ءۇشىن قالاي بولىپ جاتقانىن بىلمەيمىن. ءبىر بالانىڭ ارتىنان اڭدۋ بار. 21 جاستاعى بالا. ەرتەڭ جۇيكەسى توزىپ, ارۋ بولىپ قالسا وعان كىم جاۋاپ بەرەدى? سوندىقتان, بالام وتە جاقسى, تاربيەلى. بۇگىنگى كۇنى ءوزىنىڭ جولداستارىمەن ارالاسۋعا بولماي ما? تۋعان كۇنگە بارۋعا بولماي ما? سول جاعى, دەنساۋلىعى مەنى قاتتى ويلاندىرادى», – دەدى دەپۋتات پارلامەنتتە جۋرناليستەرگە.

دەپۋتات بالانىڭ ارتىنان اڭدۋ بار دەپ كۇدىكتەنەدى. وتستاۆكاسى تۋرالى سۇراقتى ءوز سايلاۋشىلارى شەشەتىنىن مالىمدەدى. ءوز جۇمىسىنا جوعارى باعا بەردى.

« ۇلىم 21 جاستا. ونى باس بوستاندىعىنان نە ءۇشىن ايىرۋ ايىرۋ كەرەك? ساعات كەشكى 20.30-دا ارىپتەستەرىمەن وتىرعان. ىشپەگەن. بىردەن تۇرمەگە قامايتىن بولساق, ول تاربيە ەمەس. ءبارى بولۋى مۇمكىن ء(وز-وزىنە قول سالۋى مۇمكىن بە دەگەن سۇراققا). كۇن سايىن جازادى. تەلەفوندا ءبارى جازىپ جاتىر. بىرەۋ جاقسى ايتسا, بىرەۋ جامان ايتىپ جاتىر. ول بالا دا ويلانادى. ول بالاعا جانىم اشىپ ءجۇر. ۇيقىسى جوعالدى. قازىر بالاما ۇرىسپايمىن. دەنساۋلىعىن ويلاپ وتىرمىن», – دەدى داۋلەت تۇرلىحانوۆ.