Dáýlet Turlyhanov: Ulym uıyqtaı almaı júr, densaýlyǵyna alańdaımyn

Foto: ashyq derekkózderden

Májilis depýtaty Dáýlet Turlyhanov probaııalyq tártipti buzyp, toıda kóringen uly Nurasyl Bolatty qorǵap sóıledi, dep habarlaıdy    qandastar.kz   Qaz365.kz-ke silteme jasap. 

«Qaı áke balasy jaman bolsyn dep tárbıeleıdi. Qoldan kelgenshe tárbıe berdik. Bala biraq jaqsy. Biraq ne úshin qalaı bolyp jatqanyn bilmeımin. Bir balanyń artynan ańdý bar. 21 jastaǵy bala. Erteń júıkesi tozyp, arýý bolyp qalsa oǵan kim jaýap beredi? Sondyqtan, balam óte jaqsy, tárbıeli. Búgingi kúni óziniń joldastarymen aralasýǵa bolmaı ma? Týǵan kúnge barýǵa bolmaı ma? Sol jaǵy, densaýlyǵy meni qatty oılandyrady», – dedi depýtat Parlamentte jýrnalısterge.

Depýtat balanyń artynan ańdý bar dep kúdiktenedi. Otstavkasy týraly suraqty óz saılaýshylary sheshetinin málimdedi. О́z jumysyna joǵary baǵa berdi.

«Ulym 21 jasta. Ony bas bostandyǵynan ne úshin aıyrý aıyrý kerek? Saǵat keshki 20.30-da áriptesterimen otyrǵan. Ishpegen. Birden túrmege qamaıtyn bolsaq, ol tárbıe emes. Bári bolýy múmkin (óz-ózine qol salýy múmkin be degen suraqqa). Kún saıyn jazady. Telefonda bári jazyp jatyr. Bireý jaqsy aıtsa, bireý jaman aıtyp jatyr. Ol bala da oılanady. Ol balaǵa janym ashyp júr. Uıqysy joǵaldy. Qazir balama uryspaımyn. Densaýlyǵyn oılap otyrmyn», – dedi Dáýlet Turlyhanov.