Dáýren Abaev halyqtyń 95 paıyzy orys tilinde sóıleıtinin eldiń myqty tusy retinde atady

Reseı Federaııasyndaǵy Qazaqstannyń elshisi Dáýren Abaev Reseıdiń TASS agenttigine bergen suhbatynda qazaq halqynyń 95 paıyzy orys tilinde sóıleı alatynyn eldiń myqty tusy dep atady, dep habarlaıdy qandastar.kz   Orda.kz-ke silteme jasap.

Qazaqstan Respýblıkasynyń Reseı Federaııasyndaǵy elshisi Dáýren Abaev Qazaqstan halqynyń 95 paıyzy orys tilinde sóıleı alatyny – eldiń myqty jaǵy dep sanaıtynyn atap ótti, dep málimdedi TASS agenttigi.

«Qazaqstanda, menińshe, halyqtyń 95 paıyzy orys tilin biledi jáne biz orys tilin bilý – bizdiń artyqshylyǵymyz ári kúshimiz dep sanaımyz. Árıne, basty basymdyq  memlekettik tilimiz – qazaq tilinde jáne onyń róli jyl saıyn artyp keledi. Biraq sonymen birge, elimizde barlyǵynyń orys tilin biletinine biz óte qýanyshtymyz, óıtkeni bul  taǵy da qaıtalap aıtamyn – bizdiń  artyqshylyǵymyzdyń biri», – dedi dıplomat.

Elshi atap ótkendeı, Qazaqstandaǵy shamamen 7 myń mekteptiń 3 myńy orys tilinde  bilim beredi. Sonymen qatar ol orys tilin oqytý barlyq mektepterde mindetti ekenin de maqtanyshpen atap ótti.

«Orys tilin biz Qazaqstanda básekege qabilettilik beretin til dep sanaımyz» , – dedi ol.

2023 jyly Májilis depýtaty Qazybek Isa Qazaqstan Respýblıkasy Joǵarǵy soty men M.Nárikbaev atyndaǵy QazaqGZÝ ótkizgen «Quqyq júıesindegi qazaq tiliniń máseleleri jáne olardy sheshý joldary» atty respýblıkalyq ǵylymı-tájirıbelik konferenııada Konstıtýııadan orys tilin alyp tastaýdy usyndy.

2024 jyly májilis depýtaty Dáýlet Muqaev qazaq synyptarynda oqytylatyn orys tili páni baǵdarlamasyna qatysty óz pikirin bildirdi. Onyń aıtýynsha qazaq synyptaryndaǵy ekinshi synyp oqýshylaryna arnalǵan orys tili oqýlyqtary tym qıyn. Sabaq bastala salysymen balalarǵa kúrdeli tapsyrmalar beriledi. Birden sóılem quraý, óleń jattaý sekildi kúrdeli tapsyrmalar júkteledi. Depýtattyń pikirinshe, aldymen alfavıtten bastap úıretý qajet.

Eske salsaq, jaqynda Almaty qalasynyń Bostandyq aýdanynda qazaq mektebi bolady dep kútilgen jańa bilim ordasynda orys synyptarynyń ashylýy ata-analardyń ashý-yzasyn týǵyzyp, jelide qyzý pikirtalas týdyryp, ata-analar jańa mekteptiń aralas tilde ashylǵanyna qarsy shyǵyp, «Tek qazaq tilinde ashylsyn» dep talap etti.